வலி தரும் பயணங்கள்....

2011-11-01T19:32:00.000+05:30

இன்று உன் மடி தேடி வரப்போகும் பெண் பிள்ளையாய்

மாமி மகளாய் நீ
உறவுகளிலும் பிரியவில்லை நாம்.
இருப்பினும் நான் வெளிநாட்டில்
உன்னை விட்டு விட்டு வந்த பொழுதுகளில்
உனது பிரிவை எண்ணி எண்ணி
நான் கண் கலங்கிய நாட்கள்
கண் முன்னே வந்து போகிறதடி..!!

இன்று நீ தாயாகும் செய்தி
என் காதோரம் வந்து விழ
வான வீதியில் மிதக்கிறேன்...!

அன்று எனக்காய் ஆறுதல் தேடி....
என் மடி நனைத்து நீ அழுத காட்சிகள்....
எனை முத்தமிட்டு
பிரிவை சொன்ன வார்த்தைகளெல்லாம்........
நெஞ்சில் நிழலாடுதடி.....!!

இன்று உன் மடி தேடி வரப்போகும்
பெண் பிள்ளையாய்....
முத்தமிட்டு ரசிக்கும் நீயே - என் அன்னையாய் ....
இந்த பிறவியிலேயே வாய்க்க
வரம் கேட்டு பெற்றவன் நானடி......!

அஸ்லம் பரீட்

2011-08-02T08:09:00.000+05:30

புதியதொரு றமழான்

புனிதர்கள் புண்ணகைக்க

புனிதமிகு றமழானே

புகுந்திடுவாய் பூமிதனில்

வற்றாத உன்கருணை

சுமந்துவரும் றமழானே

லைலத்துல் கதிர் இரவை

எமக்களித்த றமழானே

வரண்ட உள்ளங்கள் ஈரமாகிப்போய்விடவே

பாவக்கரைகள் இங்கு

கரைந்தோங்கிப் போய்விடவே

புகுந்திடுவாய் ரமழானே

கடல் அலையாய் எழுந்துநின்று

கழுவிச் செல்வாய் ரமழானே

எம்செல்வம் அனைத்தையுமே

தூய்மையாக்கிசென்றிடுவாய்

மூடியமரைகள் இங்கு இராகம் பாடிடுமே

குருட்டு விலக்களும் சுஜுதில் விழுந்திடுமே

கற்கள் சுமந்தவயிர்

மகிழ்ச்சியாள் மிஞ்சிடுமே

தூங்கிக் கழித்த பொழுது

புனிதமாகிப் போய் விடுமே

இருளடைந்தஉள்ளங்கள்

ஒளிர்விட்டு பிராகாசிக்கும்

இரைஇல்லங்கள் இங்கு

பூத்துக்குலுங்கிடுமே

இறையச்சம் வழிந்தோடி

உள்ளங்கள் நிரைந்திடுமே

மான்பான மனித குலம்

நெறிபிரழா வாழ்வுதனை

மீழாய்வு செய்திடவே

புகுந்திடுவாய் ரமழானே

நிலவொளியாய்

எமக்கழித்த வெகுமதியாம்

திருமறையை தந்திட்ட

புனித மிகு ரமழானே

புகுந்திடுவாய் பூமிதனில்

சத்தியம் நிலைத்தோங்க

போர்க்களங்கள் தந்திட்ட ரமழானே

புகுந்திடுவாய் பூமிதனில்

உனைச் சுமக்க விழித்திருப்பேன்

பொழுதுகளாய் பசித்துதிருப்பேன்

இராப் பொழுதுகளில்

அவன் அடிமையாய் மண்டியிடுவேன்

உம்மி நபிக்கு என் சலவாத்தை கூரி நிற்பேன்

ஏழை எழியோறுக்கு

என் கடமைதனைச் செய்திடுவேன்

உற்றாறும் சுற்றாறும்

மகிழ்சிசியாக வாழ்ந்திடவே

இனிதாக வாழ்திடுவேன்

பாவம் கரைசேர கண்ணீரை கரைத்தடுவேன்

பன்பொழுகும் வாழ்வுதனை

சீராக பெற்றிடவே

தியாகம் தலைத்தோங்கி

தீன்பனியும் செய்திடுவேன்

சத்தியம் உறுதிபெற

உரமாக மாறிடுவேன்

இறைசொன்ன வியாபரம்

அவனிடத்தில் செய்திடுவேன்

எத்தடைகள் வந்திடினும்

சத்தியம் காத்திடுவேன்

புனிதனாக வாழ்திடுவேன்

முன்ஸிப் பரீட்

2011-07-21T23:11:00.000+05:30

ஞாபகம் வருதே ஞாபகம் வருதே

தூக்கனாம் குருவியின் ரீங்காரமும்
குயிலின் இன்னிசையும்
சில்லென்று வீசும் காற்றும்
புழுதியில் புரலும் குழந்தைகளும்
தெருவோரத்து நாய்களும்
ஒற்றையடிப் பாதையும்
எனக்கு நினைவுக்கு வருகிறது

சிவக்கொழுந்தின் மகள்
சக்கரம் விளையாடும் சின்னவளும்
வயல் வெளியில்
குருவி விரட்டும் சீவகனும்
எனக்கு நினைவில் இருக்கிறது.

கொள்ளைப் பக்கமாக புளுத்தேடி
மீன் பிடிக்கும்
தண்ணீர் மடுவும்
தாடி வளர்த்த கருப்பன் கிடாயும்
எனக்கு ஞாபகம் இருக்கிறது

அவித்த மரவள்ளியும்
இடித்த சம்பலும்
எருமைப் பாலும் பருகியது
எனக்கு
ஞாபகம் இருக்கிறது

விதைநெல்லைத் தூவி
கலந்தர் லெப்பை ஆலிம்
ஓதிய பாத்திஹாவும்
பால் பொங்கவவைத்து
புக்கை சமைத்து பரிமாhரியதும்
எனக்கு ஞாபகம் இருக்கிறது

கச்சையோடு உழுகும் அப்புவும்
வயல் வெளியில் வரம்புகளில்
தும்பி பிடித்து விளையாடியதும்
பண்டார அய்யாவின்
தென்னந் தோப்பில்
களவில் இளநீர் பறித்ததும்
எனக்கு ஞாபகம் இருக்கிறது

சிவக்கொழுந்தின் மகன்
சிவலிங்கமும் நானும்
கிட்டிப்புல் விளையாடியது
தெருவோரத்து சண்டையில்
சின்னமுத்துக்கு கன்னத்தில் அடித்ததும்
எனக்கு ஞாபகம் இருக்கிறது

வேளாமை வெட்டி
பொங்கல் வைத்து
பொதிர் திண்டதும்
எனக்கு ஞாபகம் இருக்கிறது

குனிந்து வணங்கி மரியாதை செய்து
என் பாட்டனை போடியார்
என்று அழைக்கும்
அப்புவின் குரலும்
எனக்கு ஞாபகம் இருக்கிறது

என் பாட்டன் மிடுக்குக்காய்
சால்வையைத் தூக்கி
தோலில் போடும் சால்வையும்
எனக்கு நினைவுக்கு வருகிறது

சோகை இழந்து நிற்கும்
வேலைக்காரன் கம்பு புசலும்
எனக்கு நினைவில் இருக்கிறது
என் வயல் வெளியும் காடாகி
தெருவும் காடாகி
நினைவிழந்து போனது எனது கிராமம்

முன்ஸிப் பரீட்

2011-07-06T20:10:00.000+05:30

விடியலைத் தேடி

தேய்ந்து போன

இராப்பொழுதுகளைத் தேடி

தூசு படிந்து போன காற்பாதங்களும்

நரைத்துப் போன எங்கள் தலைமுடியும்

கிழடுபத்திப் போன ஒட்டகங்களும்

நீண்டு வளர்ந்த பரட்டுத் தலைகளோடும்

நீண்டதாய் வளர்நது சுருண்டு போன

தாடியும் சாட்சியாக

இராப் பொழுதுகளிலிருந்து

அதோ தொலைவில் தெரிகிர

ஒளிக் கீற்றுக்களைத் தேடி

முதுகுகளில் பரம்பரைப் பரம்பரையாக

கணத்துப் போன சுமைகளோடும்

முதலில் தொடங்கிய புள்ளியிலிருந்து

தொடர்கிறது எமது பயணம்

கீறிக் கிழிக்கும் முற்களுக்குள்ளும்

பரந்து விரிந்த பாலைவண மணல்களிலும்

ஓங்கி வளர்ந்த காடுகள் மலைகளிலும்

சீரிப்பாயும் மிருகங்களோடும்

இடைவிடாது அயர்ந்து விடாது

செல்கிறது காற்பதங்கள்

எங்கள் அப்பாவித் தனத்தைப் பார்த்து

பல் இழிக்கிறது வல்லூர்கள்

பாவம் மின்மினிப் பூச்சுகள் கூட

ஒளிர் கொடுத்து உதவுகிறது

எங்கள் பயணத்தைத் தொடர

பயணத்தின் முடிவில்

வெற்றியின் ஒளிக் கீற்றுக்கள்

நெறுங்கிக் கொள்கிறது போல

கனவுகளோடு

வானம் எங்கள் முகத்தில்

எச்சிலைத் துப்புகிறது விடியலைத் தந்து

நிலா எங்களுக்கு வழிகாட்டுகிறது

பயணத்தைத் தொடர

வாழ்தலுக்கான சவால்களோடு

சூனியமாகிப் போன தேசத்திலிருந்து

காலத்தை சமைக்கின்ற இலக்குகளோடு

எதிர்காலத்தின் ஒளிக் கீற்றுக்களைத் தேடி

இடைநடுவில் கிறீடங்கள் சுமந்து

கொள்ளும் நாட்டாமைகளும்

வேசியின் பல்லிழிபுக்களோடும்

ஏடுகளில் விரிந்து தோற்றுப் போன

கொல்கை மூட்டைகளோடும்

துருப் பிடித்துப் போன நாட்காளிகளோடும்

அயர்ந்து விடாமல் தொடரும்

எமது பயணம்

புலரும் பொழுதாவது

நமக்கென்று விடியும் நம்பிக்கையோடு

முன்ஸிப் பரீட்

2011-06-28T04:35:00.002+05:30

மாமன் மனசு

இனிதான உனதுமடி
இதமாக வேண்டுதடி
மாமன் மனசும் இங்கு துடிக்குதடி
காற்றோடு கரையுதடி காயம்
இங்கு துடிதுடித்து நிக்குதடி இதயம்

வேலியிட்டு உனைநட்டு
கொத்தும் கிளிக்கூட்டம்
கூச்சலிட்டுப் பறக்குதடி
படபடத்துப் போனதடி என் மனசு

அத்திமரம் நீ என்றால்
கொத்தி கிழித்து உன்பேன் பழமும் நான்
ஆற்றங்கரை ஓரத்து குளிர் காற்றில்
சிலிர்த்து நின்று பழம் உன்பேன்

அத்திப் பழத்து சிவப்பழகும்
அந்தி நேரத்து ஒளியழகும்
குவிந்து கிடக்குதடி உன் காயம்
நடனமாடும் வயல் வெளியில்
மேய்ந்த நாட்கள் நிணைவு வர,
பாலைவனமாய் வரண்டதடி என் மனசு.

காக்கைபோலாவது குச்சு புறக்கி
கூடு கட்டி வாழ வைப்பேன்
என் அழகே
என் காலடியில் சங்கமமாய் வருவாயடி

ஊரும் உறங்கட்டும்
ஊறாரும் உறங்கட்டும்
கடுடவன் பூனையாய் நான் மாறி
உளாவருவேன் உன் வாசல்

வீனற்றுப் போகாது நம் காதல்
வீன் பழிக்கு விழுந்திடாமல்
புனிதமிகு காதல் தனை
புறியாத மனிதனிடை
இனி வாழ முடியாது எழிலே
தனியாக ஓடிடலாம் வா இனி.

முன்ஸிப் பரீட்

2011-05-19T20:35:00.000+05:30

இரவின் நிசப்தத்தினிலே………….

சிதறிய முத்துக்கள் போன்று நட்சத்திரங்கள்
மலிந்த கருநீல வானம்,
எனக்கு இப்பொழுதெல்லாம் ஆழம் நிரம்பியதாக
மகோன்னதம் பொருந்தியதாக
விசேட அர்த்தம் கொண்டதாகத் தெரிகிறது.
சுடர் வீசும் தாரகைகளின் அற்புதத் தோற்றத்திலும்,
சந்திரனின் பட்டுப்போன்ற தண்ணொளியிலும்
முன்னெப்போதுமில்லாத சோதிவனப்பையும்
சௌந்தர்ய மாயத்தையும் காண்கிறேன்.
இந்நாட்களில்
ஒளி ஊடுருவும் ஒவ்வொரு நீர்த்துளியிலும்,
தென்றலில் அசையும் ஒவ்வொரு இலையிலும்,
பறக்கும் பட்சி ஜாலங்களின் ஓசையிலும்
புதியதொரு அர்த்தம் புலப்படுகிறது.
இவ்வனுபவங்களால் என் விழிகளில்
நீர்முட்டித் ததும்புகிறது.
இரவின் விசித்திர மாய அமைதி
என்னைச் சிந்தனை உலகில் தள்ளி,
நினைவலைகளில் மிதக்கச் செய்கின்றது.
நான் வானத்தை வெறித்துப் பார்க்கின்றேன்.
இதய ஆழத்திலிருந்தெழும் குரலில்
நான் முணுமுணுக்கின்றேன்.
என் இதயம் விம்மிப் புடைத்து
மார்புக் கூட்டோடு மோதுகின்றது.
விசித்திரமானதோர் ஆன்மீக உணர்வு
என்னை ஆட்கொள்கின்றது.
கண்ணீர்க்கறை படிந்த என் கன்னங்கள்
அனற்பிளம்பாய்க் கொதிக்கின்றன.
விரிந்த வானின் வெறுமையில்,
தாரகைச் சிமிட்டல்களில்
ஒரு முஜாஹித் இன் சாயை தெரிகின்றது.
இருந்திருந்து வீசும் தண்ணிய தென்றல்
மர இலைகளை மாய நடனம் புரிய அழைக்கின்றது.
நிலவொளியில் அசையும் இலைகளின் சுடர் நிழல்கள்
உலகச் சிற்பியின் கற்பனைக்கெட்டா
கலை வண்ணத்தைக் காட்டுகின்றன.
இலைகள் சலசலக்கும் ஓசை,
வானலோகத்துக் கண்ணிகைகளின் தேவகானம் போன்று
என் செவிகளைத் தழுவுகின்றது.
அவ்வளவு இன்பமயம்,
அவ்வளவு கனவு மயக்கம்.
ஆகா! பூமியின் மீது கவிழ்ந்திருக்கும்
இந்த வான் மாடம் எவ்வளவு ஆழமானது?
சந்திரனைச் சுற்றிக் காணப்படும் இந்தப்பரிவட்டம்,
அதில் எழுதப்பட்டுள்ள சொல்லாத கதைகள் எத்தனையோ?
எல்லா இரவுகளை விடவும் இன்றிரவு
இக்கதைகளை என்னால் படிக்க முடிகிறதே, எப்படி?
நிலவே! நீ கண்டவைகளுக்கு நீயே சாட்சி.
உண்மையைச் சொல்.
தனிமையில் அழுது புலம்பும் எத்தனை பேரை நீ அமைதியுடன் அவதானித்திருக்கிறாய்?
இதயத்தில் புதைந்த இரகசியங்களையெல்லாம்
உன்னிடம் அள்ளிக் கொட்டியவர்கள் எத்தனை பேர்?
எத்தனை அப்பாவி உயிர்த்தியாகிகளது
புதை குழிகள் மீது
நீ தண்ணொளி வீசியிருக்கின்றாய்?
ஒடுக்கப்பட்டவர்களும் சிறைக்கூடங்களில் தள்ளப்பட்டோரும்
அல்லாஹ்வை அழைக்கும் ஓலத்தை
எத்தனை தடவைகள் நீ கேட்டிருக்கிறாய்?

ஸாபிரா பரீட்

2011-05-16T20:55:00.000+05:30

உடுநுவர அல் மனாரின் அபிவிருத்திக்கு அமைச்சர் எஸ். பி. ரூபா 100 மி. ஒதுக்கீடு

உடுநுவர அல்மனார் தேசிய கல்லூரியின் அபிவிருத்திக்காகக் கண்டிமாவட்டப் பாராளுமன்ற அங்கத்தவரும், கௌரவ உயர்கல்வி அமைச்சருமான திரு எஸ். பி .திஸாநாயக்கா இவ்வாண்டு அரசாங்க நிதியிலிருந்து 100 மில்லியன் ரூபாவை ஒதுக்கியுள்ளார். இது பற்றி அமைச்சர், கல்லூரி அதிபர் ஜனாப் எஸ். எம். மீராஸ் ஜே. பி.க்கு அறிவித்துள்ளார்.

அல் மனாரில் நீண்ட காலமாக நிலவிவரும் பௌதிக வளப் பற்றாக் குறைபாடுகளை நிவர்த்தி செய்து தருமாறு கடந்த இரு தசாப்தங்களாக அரசியல்வாதிகளிடமும், கல்வி அமைச்சர்களிடமும் வலியுறத்தி வந்த போதிலும் அது இதுவரை நிறைவேற்றப்படாத நிலையில் அமைச்சர் அவர்கள் அதிமேதகு ஜனாதிபதி திரு மஹிந்த ராஜபக்ஸ அவர்களின் ஐக்கிய மக்கள் சுதந்திர கூட்டணி அரசாங்கத்தின் மூலம் இந்நிதியை ஒதுக்கித் தந்திருப்பதாக அதிபர் தெரிவித்தார்.

அமைச்சர் கடந்த பாராளுமன்றப் பொதுத் தேர்தல் காலத்தில் பாடசாலை அபிவிருத்திச் சங்கத்தின் அழைப்பின் பேரில் பாடசாலைக்கு விஜயம் ஒன்றை மேற்கொண்ட போது பாடசாலையின் குறைபாடுகளைக் கேட்டறிந்த பின்னர் “ தாம் இப் பொதுத் தேர்தலில் அமோக வெற்றி ஈட்டுவதும், முக்கிய அமைச்சர் பதவி ஒன்றைப் பெறுவதும் உறுதி” எனத் தெரிவித்த அமைச்சர், உடுநுவரையின் அபிவிருத்தியின் முதற்கட்டமாக அல்மனாரை அபிவிருத்தி செய்வதற்கு 150 மி. ரூபாவை ஒதுக்கித் தருவதாக வாக்களித்திருந்தார். அதில் ஒரு பகுதியாகவே 100 மி. ரூபாவைத் தற்போது அமைச்சர் ஒதுக்கி இருப்பதாக அதிபர் தெரிவித்தார்.

அல் மனாரில் பல்வேறு அபிவிருத்திகளை மேற்கொள்ளத் திட்டமிட்டுள்ள போதிலும் முதலில் வகுப்பறை நெருக்கடியைத் தளர்த்துமுகமாக ஏற்பாடு செய்யப்பட்டுள்ள 15 வகுப்பறைகளைக் கொண்ட மூன்று மாடிக் கட்டிடம் ஒன்றுக்கான அடிக்கல் நாட்டும் நிகழ்வில் அமைச்சர் திஸாநாயக்காவின் அழைப்பின் பேரில் பிரதம அதிதியாக கௌரவ கல்வி அமைச்சர் திரு. புந்துல குணவர்தனா அவர்கள் எதிர்வரும் 2011 ஜூன் 06 திங்கட் கிழமை மு. ப. 11.00 மணியளவில் பங்குபற்ற இருப்பதாகவும் அதிபர் தெரிவித்தார்.

1000 இடைநிலைப் பாடசாலை அபிவிருத்தித் திட்டத்தின் கீழ் மத்திய மாகாணத்தில் தெரிவு செய்யப்பட்டுள்ள 10 பாடசாலைகளுள் அல்மனார் ஒன்றென்பதும் குறிப்பிடத்கக்கதாகும்.

2011-05-01T23:47:00.002+05:30

இஸ்லாத்தில் வாரிசுரிமைச் சட்டம்

இன்று முஸ்லிம்களால் புறக்கணிக்கப்பட்டுள்ள அல்லது அமுல்படுத்தப்படாத மிக முக்கிய ஷரீஆ சட்டங்களில் ஒன்றாக "வாரிசுரிமைச் சட்டம்" விளங்குகின்றது.

வாரிசுரிமைச் சட்டம் பற்றிய ஆழமான அறிவு, அதன் முக்கியத்துவம் மற்றும் அதைப் புறக்கணிப்பதால் ஏற்படும் விளைவுகள் பற்றிய தெளிவற்றவர்களாக நாம் இன்று விளங்குகின்றோம்.

தெற்காசியாவின் தலைசிறந்த இஸ்லாமிய அறிஞர்களில் ஒருவரும் இஸ்லாமிய ஆய்வுகளுக்கான மிஷ்காத் நிறுவனத்தின் தலைவருமான ஷேய்க் உஸ்தாத் மன்ஸூர் அவர்கள், வாரிசுரிமைச் சட்டம் பற்றிய ஆழமான விளக்கமொன்றை வழங்குகிறார்:
பாகம் 1:

http://www.youtube.com/watch?v=VzPUWDtQMGw& amp;feature=player_embedded

பாகம் 2:
http://www.youtube.com/watch?v=WYJNX0SkNdw&feature=related

பாகம் 3:
http://www.youtube.com/watch?v=1Pq1LIhERN4&feature=related

பாகம் 4:

http://www.youtube.com/watch?v=QRCX1UMGz10&feature=related

"இவை அல்லாஹ்வின் வரையறைகளாகும். எவர் அல்லாஹ்வுக்கும், அவன் தூதருக்கும் கீழ்படிந்து நடக்கிறார்களோ அவர்களை சுவனபதிகளில் பிரவேசிக்கச் செய்வான். அதன் கீழே ஆறுகள் சதா ஓடிக்கொண்டிருக்கும். அவர்கள் அங்கே என்றென்றும் இருப்பார்கள். இது மகத்தான வெற்றியாகும்.

எவன் அல்லாஹ்வுக்கும், அவன் தூதருக்கும் மாறு செய்கிறானோ, இன்னும் அவன் விதித்துள்ள வரம்புகளை மீறுகிறானோ, அவனை நரகில் புகுத்துவான். அவன் அங்கு (என்றென்றும்) தங்கிவிடுவான். மேலும் அவனுக்கு இழிவான வேதனையுண்டு." (அல்குர்ஆன் 04:13-14)

2011-04-24T01:21:00.000+05:30

கனவுகளோடு தான்...

கனவுகளோடு தான்

படித்தேன்...கல்லூரில்

கடன் இன்னமும் இருக்கிறது

என்றார் ...என் அப்பா

அம்மாவிடம் ...

கணக்கு போட்டு பார்த்தேன் ...

உள்நாடை விட -அயல்நாடு

அதிகம் கை கொடுக்கும் என்று

கண்டுபிடித்தேன் ..

எப்படி சொல்ல என்று

கை பிசைந்தார்...அப்பா

அயல்நாடு என்றால் ..

கொள்ளைப்ரியம் ..என்றேன் ..

புன்சிரிப்போடு ...

பொய் சொல்லவும் ..

பழகி விட்டான்..என்று

நினைத்தார் அப்பா ...

கிளம்பும் போது புரிந்தேன் ..

என்னை போல் எத்தனை...

சகோதர்கள்...அனுபவித்து

இருப்பார்கள் என்று ...

தந்தையைப் பார்த்தேன் ...

ஒரு கண் அழுதது ..

ஒரு கண் சிரித்தது ...

தாயைப் பார்த்தேன்

இரு கண்ணும் அழுதது ..

தொலைபேசியைக் கண்டு பிடித்தவன் ..கூட

எங்களை போன்று ...

சந்தோசப் பட்டு இருக்க மாட்டன்...

திருமணம் என்றனர் ..

எனக்குள் ..

ஒரு சந்தோசம் ..

ஒரு வருத்தம் ..

ஆசை அறுபது நாள் ..

மோகம் முப்பது நாள் ..

ஆக மொத்தம் லீவ் ..தொண்ணுறு நாள்...

தான் ..

கிளம்பும் போது ..

இப்போது ஆறு கண்கள் ...

அழுதன....

மாங்காய் கடிக்க ..

போகிறேன் என்றால் மனைவி..

அவளோடு இருக்கும்

சின்ன சின்ன சந்தோசங்களை ..

இந்த தினார் தருமா ?..

என்று அழுதேன் ...

ஆறு வருடம் ..

கழித்து வந்தேன் வீட்டிற்கு ..

தெருவில் விளையாடிக்

கொண்டு இருந்தான் என் பையன்..

கட்டி அணைக்கப் போனேன் ..

'அம்மா யாரோ ஒரு

மாமா வந்து இருக்கா

பாரேன் ..என்றான் ...'.

ஒடிந்து போனேன்

...டா ..டா ..

உன் வார்த்தையோடு ...

நன்றி இணையம்

2011-04-17T20:04:00.000+05:30

வாழ்க்கை

மணத்தையோ மகரந்தத்தையோ

கொண்டுவருவதாயில்லை

இந்தக் காற்று.

பொழிவதாயுமில்லை

வெளிச்சம் வர விடுவதாயுமில்லை

மேகங்கள்.

வாய்விட்டுச் சிரிப்பதாயுமில்லை

மனந்திறந்து பேசுவதாயுமில்லை

யாரும்.

தாய்ப்பால் போல இனிமையானதொரு

தாலாட்டுப் பாடலேனும் விழுவதாயில்லை

காதில்.

நல்ல செய்தியொன்றை

தந்துவிட்டு நகருவதாயினுமில்லை

வாழ்க்கை.

நிலவுதான் வரவில்லையென்றால்

தாரகைகளாவது தரிசனம்

தரக் கூடாதா

செய்தித் தாள் பக்கமொன்றின் கீழ் மூலையில்

அநாதரவாய்க்கிடக்கும்

கவிதையொன்றைப் போல

சுவாரஷ்யமற்றுப் போய்க் கிடக்கிறது

வாழ்க்கை.

நன்றி:-ஓசைகள் தளம்

2011-03-31T23:30:00.000+05:30

இளமையோடு ஒரு பழைய காதல்

இன்றோ நாளையோ
இறக்கவிருக்கும் மரங்களில்
இளமையோடு துளிர்க்கும்
மலர் சிசுக்களாய்...
புதுப்புது எதிர்பார்ப்புகளோடும்
விடை தெரியா கேள்விகளோடும்
என் கிழட்டுக் காதல்;
◙

தள்ளாடித் தள்ளாடித்
தேடுகின்றேன்
தொலைந்து போன
பழைய நினைவுகளை...
◙

அந்த மரத்தில் தானே
செதுக்கினோம்
உன் பெயரை நானும்...
என் பெயரை நீயும்...?

எம்மைப் போலவே- காலம்
மரத்தையும் விட்டுவைத்தில்லை
நரைத்த தலையுடன்
நின்றிருக்கிறது.
◙

புதுப்புது காதல் தடங்களை
தாங்கியிருக்கிறது
படுத்துறங்கிய புல்வெளி!
◙

இந்த இடத்தில் தானே
கைக்கோர்த்து நடைபயின்றோம் ?
ஆமாம்!
இதே இடம் தான்!

இருமருங்கிலும் எழுந்து நின்று
நிழல் பாய் விரித்து
காதலர்களை வரவேற்கும்
பெயர் தெரியா இம்மரங்கள்
"அவள் எங்கே?"
உன்னை தான் விசாரிக்கின்றன
◙

இந்த மரங்களுக்கு
நினைவிருக்கும் நம் காதல்
உனக்கு நினைவிருக்குமோ?
◙

நீ பற்றியிருந்த என் கரங்களில்
தொற்றியிருக்கும்
என் பேரனின் குரல்
இழுத்தெடுக்கிறது என்னை
மீண்டும் நிகழ்காலத்துக்கு
"தாத்தா நேரமாகிவிட்டது
பாட்டி தேடுவாங்க"
◙

என் கேள்விக்கு இல்லாவிட்டாலும்
அந்த மரங்களின் கேள்விக்காவது
விடை சொல்
"நீ எங்கே இருக்கிறாய்?"

நன்றி - ஜாவிட் ரயிஸ்

2011-03-06T02:57:00.002+05:30

‘மகிந்த சிந்தனய தூர நோக்கு’ த்திட்டத்திற்கமைவாக 1000 பாடசாலைகளை அனைத்து வசதிகளுடனும் அபிவிருத்தி செய்யும் கல்வி அமைச்சின் செயற் திட்டம் 2011-2016.

இத்திட்டம் 2012 ஜனவரி தொடக்கம் அமுல்.

நாடெங்கிலுமுள்ள சுமார் 9500 அரசாங்க பாடசாலைகளுள் ஏற்கனவே அபிவிருத்தி செய்யப்படாத 1000 பாடசாலைகளைத் தேர்ந்தெடுத்து அவற்றை மத, மொழி, இன, பால் முதலிய பாகுபாடுகளற்ற அனைத்து வளங்களும் கொண்ட இடைநிலைப் பாடசாலைகளாக 2012-2016 காலப் பகுதிக்குள் தலா ஒவ்வொரு பாடசாலையையும் எட்டுக் கோடி ரூபா செலவில் அதுவரை வழங்கப்படாதுள்ள பௌதிக வளங்களை வழங்கி அபிவிருத்தி செய்வதற்குக் கல்வி அமைச்சுத் தீர்மானித்திருப்பதாகத் தெரிய வருகின்றது.

இதனை மத்திய மாகாணத்தில் அமுல் நடத்துவதற்குப் பூர்வாங்க ஏற்பாடுகளை வலயக் கல்விப்பணிமனைகள் மேற்கொண்டு வருவதாகக் கூறப்படுகின்றது. பாடசாலை அதிபர்கள் மூலமாக அவ்வப் பாடசாலைகளில் காணப்படும் பௌதிக மற்றும் ஆளணி வளங்கள், தற்போது பயிலும் மாணவர்கள், ஆசிரியர்கள் ஆகியோர் பற்றிய மத, மொழி, இன, மற்றும் பால் அடிப்படையிலான விவரங்களைக் கிராமாதிகாரிப் பிரிவு ரீதியாக அவை திரட்டி வருகின்றன பாடசாலை அதிபர்களுக்கு இவ்விடயம். தொடர்பான அறிவுறுத்தல்கள் எழுத்து மூலமாகவன்றி அதிபர் கூட்டங்களின் போது வலயப் பிரதிக் கல்விப் பணிப்பாளர்களால் வழங்கப் பட்டு வருகின்றன.

இத் திட்டம் தொடர்பான அமைச்சரவைத் தீர்மானம் மேற்கொள்ளப் பட்டிருப்பதாகவும் அதனை மசோதாவாகக் கூடிய விரைவில் பராளுமன்றத்தில் சமர்ப்பிக்கப்பட இருப்பதாகவும் தெரிவிக்கப் படுகின்றது. இச் செயற்றிட்டம் தொடர்பாக மத்திய மாகாணக் கல்வி அமைச்சினால் வலயக் கல்விக் காரியாலயங்களுக்கு விடுக்கப் பட்டுள்ள அறிவுறுத்தல்கள்:

“மகிந்த சிந்தனய தூரநோக்கு “ வெலைத் திட்டத்தின் கீழ் ‘ஆரம்ப பாடசாலை வலையமைப் பொன்றுக்கான இடைநிலைப்பாடசாலை’ என்ற இலக்கினூடாகத் தேசிய மட்டத்திலான வேலைத் திட்டம் ஒன்றை 2011- 2016 வரையிலான காலப் பகுதிக்குள் நடைமுறைப் படுத்தப்படுவதுடன் அதன் பிரதான நோக்கங்கள் பின்வருவனவாக அமையும்.

01. ஆரம்ப பாடசாலை பவவற்றால் வலுவூட்டப்படும் இடைநிலைப் பாடசாலை ஒன்றைத் தோந்தெடுத்துஇடைநிலைப் பாடசாலைக் கல்வியைக் குறிப்பிடத்தக்க வகையிலும், மேம்பாடான நிலையிலும் அபிவிருத்தி செய்தல்.

02. தேர்ந்தெடுக்கப்பட்ட இடைநிலைப் பாடசாலைகளுக்கு இன்றியமையாதவை எனத் தீர்மானிக்கப்பட்டுள்ள பௌதிக மற்றும் மனித வளங்களை முழுமையாகப் பெற்றுக் கொடுப்பதன் ஊடாகக் கவர்ச்சிகரமான பாடசாலை வலையமைப்பொன்றை உருவாக்குதல்.

03. வளமூட்டுவதற்கான பிரதேசத்திற் காணப்படுகின்ற ஆரம்ப பாடசாலைகளுடன் இணைந்த முழுமையான பாடசாலை வலையமைப்புக்கான அபிவிருத்தி மூலோபாயங்களை இனங்காணலும், திட்டமிடலும், நடைமுறைப் படுத்தலும்.

04. இடைநிலைப் பாடசாலைகளைக் கருத்திற் கொண்டு அறிவைப் பெற்றுக் கொடுக்கும் உன்னதநிலையங்களாக ஆரம்ப பாடசாலை ஆக்குதலும், அதனூடாக உயர்வானதும் மானுடப் பண்புகளுடனான பிரசைகளை உருவாக்கிக் கொள்ளத் தக்க வாறான சமூகஞ் சார்ந்ததும் சமூகஞ் சாராததுமான அம்சங்களிலும் விசேட வேலைத் திட்டங்களைச் செயற்படுத்தல்.

05. நகர்ப்புற ஜனரஞ்சகப் பாடசாலைகளை நோக்கிய மாணவ ஓட்டத்தை அவ்வப் பகுதிகளிலேயே தக்க வைத்துக் கொண்டு வளப் பயன்பாட்டை மேன்மைப் படுத்துவதன் மூலம் கட்டாய இலவசக் கல்வியைச் சமமாகவும், நியாயமாகவும் கிடைக்கப் பெறுவதை உறுதிப் படுத்தல்.

பாடசாலைகளைத் தெரிவு செய்யும் விதிமுறைகள்:

• தெரிவு செய்யப் படும் பாடசாலைகள் எதிர்காலத்தில் அபிவிருத்தி செய்யத் தக்கதாக இருக்க வேண்டும்.

• தெரிவு செய்யும் போது தற்போதையப் பாடசாலை வகையீடு 1AB, 1C ,2 மற்றும் 3) மற்றும் (தேசிய, மாகாண, ம. ம. .வி, நவோதய மற்றம் இசுரு) முதலிய வகையீடுகளைக் கவனத்திற் கொள்ளாதிருத்தல்.

• ஆரம்ப பாடசாலை ஒன்று தேர்ந்தெடுக்கப்படுமாயின் அதனை இடைநிலைப் பாடசாலையாக அபிவிருத்தி செய்வதற்கு இயலுமானதாக இருக்;க வேண்டும்.

• தெரிவு செய்யப்படும் பாடசாலை இரண்டும் 1C/ 1AB வகையைச் சேர்ந்த 1- 13 வரையிலான வகுப்புக்கள் நிகழும் பாடசாலையாயின் எதிர்காலத்தில் அப்பாடசாலையிலிருந்து ஆரம்ப வகுப்புக்களைப் படிப்படியாக அகற்றி 6-13 வரையிலான வகுப்புக்களைக் கொண்ட பாடசாலைகளாக அபிவிருத்தி செய்யப்படுதல் வேண்டும்.

• தெரிவு செய்யப்படும் பாடசாகைள் அனைத்தும் குறைந்த பட்சம் 3-5 ஆரம்ப பாடசாலைகளை ஊட்டப் பாடசாலைகளாகக் கொண்டிருத்தல் வேண்டும்..

• யாதேனும் ஒரு வகையில் போதிய ஆரம்ப பாடசாலைகள் காணப்பட வில்லை யாயின் புதிதாக ஆரம்ப பாடசாலைகளை நிர்மாணித்தல் வெண்டும்.

• தேர்ந்தெடுக்கப் படும் அனைத்து இடைநிலைப் பாடசாலைகளையும், அதன் ஊட்டப் பாடசாலைகளாக அமையும் பாடசாலைகளையும் 2012-2016 காலப் பகுதியில் அபிவிருத்தி செய்வதற்கான இடைக்காலத் திட்டம் ஒன்று வரையப் படுதல் வேண்டும்.

• பாடசாலைகளைத் தெரிவு செய்யும் போது பாடசாலைப் புள்ளிவிவரங்கள், புவியியல் விபரம், மாணவர் எண்ணிக்கை, வலய மற்றும் பிரதேச மட்டத்திலான அதிகாரிகளின் தொழில்சார் அநுபவம் முதலியவற்றைக் கவனத்திற் கொள்ளுதல் அவசியம்.. இவை பாடசாலை வரைபடம் ஊடாக நிகழுதல் வேண்டும். (கல்வி அமைச்சின் திட்டமிடற் பிரிவு இதற்கான தொழிந்நுட்ப உதவியை வழங்கும்.) இடம்பெற வேண்டிய விவரங்கள்:

• புவியியல் அமைவிடமும் நுழைவுப் பாதைத் தொகுதியும்.

• ஆரம்ப இடைநிலைப் பாடசாலைகளின் மாணவர் எண்ணிக்கை.

• மாணவர் வருகையின் இயல்பு.

• ஆரம்ப மற்றும் இடைநிலைப் பாசாலைகளுக்கிடையிலான தூரம்.

• தற்போதுள்ள மற்றும் தேவைப்படுகின்ற வளங்கள்.

• பொது வசதிகளும் மற்றும் நிருவாகக் காரியாலய வசதிகளும்.

• மின்சாரம் மற்றும் தொடர்பு சாதனம் முதலியன உள்ள இல்லாத வசதிகள்.

• கலாசார மற்றும் சுற்றாடல் சாதனங்கள்.

• ஆசிரியர்களைப் பாட ரீதியாக வகைப் படுத்தல்.

• அதிபரைத் தேர்ந்தெடுத்தலும் தலைமைத்துவத் திறன்களும்.

• பாடசாலை யொன்றில் வைத்திருக்கக் கூடிய ஆக கூடிய மாணவர் எண்ணிக்கை.

இம்மறுசீரமைப்புத் தொடர்பாகச் சமூகத்தில் நிலவி வரும் நேர்க்கருத்துக்கள்:

1. சமூக முன்னேற்றத்திற்குக் கிடைக்கும் ஓர் வரப்பிரசாதமாகும்.

2. நகர்ப்புறங்களில் சிங்களப் பாடசாலைகளில் தம் பிள்ளைகளுக்கு அநுமதி மறுக்கப்படுவதனால் ஏற்படும் பாதிப்புக்களிலிருந்து தவிர்த்துக் கொள்ள வாய்ப்புக் கிடைக்கின்றது.

3 முஸ்லிம் பாடசாகைளில் நெடுங்காலமாக நிலவி வரும் ஆளணி, மற்றும் பௌதிக வளப் பற்றாக்குறைகள் நிவர்த்தி செய்யப்படும் என எதிர்பார்க்க முடியாதாதலால் முஸ்லிம் பாடசாலைகளில் கல்வி முன்னேற்றம் என்பது பகற்கனவு என்று கருதும் பெற்றோர் சிங்களப் .பாடசாலைகளிற் பயிலும் யாய்ப்பு ஒரு மாற்றுப் பரிகாரம் எனக் கருதுதல்.

4 இன, மத, பால் வேறுபாடின்றி எல்லோருக்கும் ஒன்றாகப் பயிலும் வாய்ப்புக் கிடைப்பதனால் பரஸ்பரப் புரிந்துணர்வும், நட்புறவும், நல்லெண்ணமும் ஏற்பட வழி பிறந்து எதிர்காலத்தில் பேதங்கள் யாவும் மறைந்துவிடும் எனலாம்.

5 முஸ்லிம்களின் உடை. நடை, பாவனை, உணவு, கலாசார பழக்க வழக்கங்கள் முதலியவற்றைப் பேரினவாதிகளால் சகித்துக் கொள்ள முடியாமலுள்ளது. எனவே இவ்வாறு அவர்களோடு சேர்ந்து பயிலவும் பழகவும் வாய்ப்புக் கிடைக்கும் ஆதலால் அவர்களின் நல்லெண்ணதைதைப் பெற முடியும் என நம்புதல்.

6. நாட்டில் இன முரண்பாடுகளும் பிரச்சிளைகளும் ஏற்படுவதற்கு இன, மத, மொழி ரீதியான பாடசாலகளே காரணம் ஆதலால் இம்முறையை ஒழிக்க வேண்டும் எனக் கருதுதல்.

முரண் கருத்துக்கள்:

1. ஐரோப்பியரின் ஆட்சிக்காலத்தில் கிறிஸ்தவ மிஸனரிப் பாடசாலைகளிற்; சேர்ந்து கல்வி பயிலச் சுதேசிகளை ஐரோப்பியர் ஊக்குவித்தனர். சுதேசிகளின் பண்பாடு நாகரிகம் என்பவற்றிற்குப் பதிலாக அவர்களின் மொழி, சமயம், உடை, நடை, பாவனை, பழக்க வழக்ககள். நாகரிகம் என்பவற்றைப் படிப்படியாகப் புகுத்துவதற்குப் பாடசாலைகளை அவர்கள் ஓர் கருவியாகப்பயன்படுத்தினர். அதே நடைமுறையைத் தற்போது பாடசாலை மறுசீரமைப்பின் மூலம் அரசாங்கம் சிறுபான்மையினர் மீது கையாளப் போகின்றது எனச் சிறுபான்மையினர் பீதி கொண்டுள்ளனர்.

2. தற்போது முஸ்லிம் பாடசாலைகளில் முஸ்லிம் அதிபர், ஆசிரிய ஆசிரியைகளின் கீழ் இஸ்லாமிய சூழலில் மாணவ மாணவியர் தனித்தனியான வகுப்புக்களிற் கல்வி பயின்று வருகின்றனர். இதன் மூலம் இதுவரை முஸ்லிம்கள் தமது தனித்துவத்தைப் பாதுகாத்துக் கொள்ள முடிந்தது. புதிய மறுசீரமைப்பின் கீழ் வேறு இனத்தவருடன் கலந்து வாழும் பிரதேசங்களில் சமய, பால் பாகுபாடுகளின்றி சிங்கள மாணவர்கள் முஸ்லிம் பாடசாலைகளிலும், வயது வந்த முஸ்லிம் மாணவர்கள் சிங்களப் பாடசாலைகளிலும் படிப்படியாக அநுமதிக்கப் படப் போகின்றனர். 2012ல் 6ம் தரத்திற் தொடங்கி 2016இல் 10ம் தரம் வரையுள்ள சிங்கள மாணவ மாணவியர் முஸ்லிம் பாடசாலைகளுக்கும், முஸ்லிம் மாணவ மாணவியர் சிங்களப் பாடசாலைகளுக்கும் மாற்றப் பட உள்ளனர். அதன் பின்னர் முன்னைய நிலைமை தலைகீழாக மாறிவிடப் போகின்றது. உடன் இது நடைபெறாதென்றாலும் இந்நடைமுறையை முஸ்லிம்கள் ஏற்றுக் கொண்டால் என்றோ இது நடந்தே தீரும். முஸ்லிம்கள் சிறுபான்மையினராகி விடும் சாத்தியப்பாடு காணப்படுபகின்ற காரணத்தினால் காலக்கழிவில் பாடசாலையின் பெயர் சீருடை, பாடசாலைக் கீதம், கொடி, வெள்ளிக்கிழமைத் தொழுகை விடுமுறை, நோன்புகால விடுமுறை, சமய கராசார ஒழுக்க பண்பாட்டு அம்சங்கள் முதலியன மாற்றத்துக் குள்ளாக இடமுண்டு. முஸ்லிம் மாணவர்கள் பெரும்பான்மையினராக இருந்தாலும் கூட இவ்வாறான பாதிப்புக்கள் ஏற்படுவதைத் தவிர்க்க முடியாமற் போகலாம். அறிஞர் சித்தி லெவ்வை, ஸேர் ராஸிக் பரீத், கலாநிதி பதியுத்தீன் மஹ்மூத் உட்பட எமது முன்னோர்கள் போராடி ஈட்டித் தந்த தனித்துவங்களை வருங் காலங்களி;ல் இழக்க நேரிடலாம். இப்போது முஸ்லிம் அதிபரின கையிலுள்ள அதிகாரம் எதிர்காலத்தில் மாறிறின அதிபரின் கைக்கு மாறலாம். இது வரை சமூகச் சொத்தாக விளங்கி வந்த முஸ்லிம் பாடசாலைகள் எதிர் காலத்தில் பிற அரசாங்க உடைமைகளைப் போன்று பொது உடைமையாகலாம். இதுபற்றிச் சிந்திக்காத அல்லது தூரநோக்கற்ற அல்லது சமூக வாஞ்சையற்ற அல்லது அரசியல் சுக போகங்களை அறுபவித்து வருகின்ற அரசியல்வாதிகளும், கல்விமான்களும் இது பற்றி மௌனம் சாதிக்கலாம்.

3. இன்று சகல முஸ்லிம் பாடசாலைகளிலும் கூடுதலாக ஆசிரியைகளே உதவி ஆசிரியைகளாவும், அதிபர்களாகவும் பணியாற்றுகின்றனர். கலவன் பாடசாலையாயின் வயது வந்த முஸ்லிம் மாணவியரும், முஸ்லிம் ஆசிரியைகளும் பழகுவதிலும், ஒன்றாக வேலை செய்வதிலும் பல சமயக் கட்டுப்பாடுகளும், வரையறைகளும் உள்ளன. வெளிக்கள வேலைகள், கலை கலாசார நிகழ்ச்சிகள், சுற்றுலாக்கள் முதலியவற்றிற் பங்குபற்ற வேண்டிய நிர்ப்பந்தம் ஏற்படத்தக்க வேளைகளில் இவர்கள் தயக்கம் காட்டுவர். இத்தகைய சந்தர்ப்பங்களில் நிர்வாகத்தோடு பிரச்சினைகள் ஏற்படலாம். இதனை முஸ்லிம் பெற்றோர் ஒருபோதும் விரும்ப மாட்டார்கள். இது கல்விக்கோ தொழிலுக்கோ முழுக்குப் போட வேண்டிய நிர்ப்பந்தத்துக்கு அவர்களை ஆளாக்கலாம்.

4. இந்நாட்டில் வாழும் எந்த ஒரு சமயத்தினரும் கலவன் பாடசாலைக் கல்வியை ஆதரிப்பதில்லை. 19ஆம் நூற்றாண்டின் நடுப்பகுதியில் ஆரம்பிக்கப்பட்ட எந்த ஒரு பாடசாலையும் கலவன் பாடசாலையாகத் தொடங்கப்படவில்லை. ஆனால் துரதிஸ்டவசவமாகக் கிராமப் புறங்களில் சிறு தொகையினரான முஸ்லிம் ஆண், பெண் பிள்ளைகளே பாடசாலை சென்றதனால் அவை கலவன் பாடசாலைகளாக ஆரம்பிக்கப்பட்டு இன்றும் கூட கலவன் பாடசாலைகளாகவே நடைபெற்று வருகின்றன. ஆனால் அவற்றில் ஆண் பெண்களுக்கான வகுப்புக்கள் வெவ்வேறாக நடைபெறுகின்றன. எவ்வாறாயினும் கல்வித்தரத்திலும், விளையாட்டுத் துறையிலும் பரீட்சைப் பெறுபேறுகளிலும், ஒழுக்கப்பண்புகளிலும் கலவன் அல்லாத பாடசாலைகளே சிறந்து விளங்குகின்றன. அவ்வாறான எந்த ஒரு பாடசாலையையும் அரசாங்கமோ, பெற்றார்களோ, மாணவர்களோ கலவன் பாடசாலையாக மாற்றுவதை விரும்புவார்களா?

எனினும் மறுசீரமைப்பின் கீழ் தெநுவரக் கல்வி வலயத்தில் சிறந்து விளங்கும் ஒரே முஸ்லிம் மகளிர் பாடசாலையும், தமிழ் மொழியில் க.பொ.த. (உ.த.) கலை, வர்த்தகம் ஆகிய வகுப்புக்களைக் கொண்டதும், தமிழ், ஆங்கிலம் ஆகிய இரு மொழிகளிலும் வகுப்புக்கள் நடைபெறுவதுமான உடுநுவர பாதிமா மகளிர் மகா வித்தியாலயத்திலுள்ள 6 ஆம் தரத்திற்கு மேற்பட்ட வளர்ந்த மாணவிகள் கலவன் பாடசாலையான அல் மனார் தேசிய பாடசாலைக்கு மாற்றப்படவுள்ளனர். இதன் விளைவாக உடுநுவரையில் சுமார் ஏழு தசாப்தங்களாக தனித்துவத்துடன் இயங்கி வந்த ஒரே முஸ்லிம் மகளிர் பாடசாலையு ஆரம்ப பாடசாலையாக மாறவுள்ள அதே நேரத்தில் அங்கு மாற்று இன, மத, பால் பிள்ளைகள் அங ;கு அநுமதிக்கப்படலாம்.

5. இலங்கை வரலாற்றில் இலவசக் கல்வியின் பிதாவான திரு. கன்னங்கரா அதவர்களின் கல்வித்திட்டம் உட்பட பின்னர் கொண்டுவரப்பட்ட 1950 ஆம் ஆண்டின் கல்வி வெள்ளை அறிக்கை, 1964 ஆம் ஆண்டின் கல்வி வெள்ளை அறிக்கை, 1972ல் முன் வைக்கப்பட்ட “புதிய பாதை” எனும் கல்விப் புனரமைப்பு, 1981 ஆம் ஆண்டின் கல்வி வெள்ளை அறிக்கை, இறுதியாக முன்னாள் ஜனாதிபதி திருமதி சந்திரிகா பண்டாரநாயக்காவின் ஆட்சியின் போது 1997 இல் ‘பொதுக் கல்விக்குரிய ஜனாதிபதியின் துரித செயற்குழு வினால் முன்வைக்கப்பட்ட “பொதுக் கல்விச் சீர்திருத்தங்கள்” ஆகிய எந்த ஒரு அறிக்கையும் இலங்கையில் இதுவரை நிலவி வருகின்ற பாடசாலை அடிப்படை அமைப்பு முறையில் கை வைக்க வில்லை. அவை ஒவ்வொன்றும் கல்வியில் சமய, இன, மொழி, பால் ரீதியான தனித்துவங்களை மதித்து அங்கீகரித்தே வந்துள்ளன. ஆதலால் இன்றுவரை இலங்கையில் கல்விச் சீர்திருத்தங்களை முன்மொழிந்த சகல ஆணைக்குழுக்களாலும், வெள்ளை அறிக்கைகளாலும், கல்வி அமைச்சர்களாலும், அரசாங்கங்களாலும் பேசப்படாது வந்த சமய, இன, மொழி, பால் ரீதியான தனித்துவங் காக்கும் பாடசாலை அமைப்பு முறையை அரசாங்கத்தினால் வெளியிற் பேசப்படாமல் இரகசியமாக மாற்றியமைக்க முயற்சிகளை மேற் கொள்வது உள்நோக்கம் கொண்டதாகும் எள சிறுபான்மை மக்கள் சந்தேகம் கொண்டுள்ளனர்.

6. உண்மையில் இந்நாட்டில் மொழி, மத ரீதியான முரண்பாடுகள் ஒரு போதும் சிங்கள, தமிழ், முஸ்லிம் பொதுமக்களிடையே நிலவியதில்லை. பிரித்தானியரிடமிருந்து விடுதலை பெற முன்னர் நாட்டில் எல்லாப் பகுதிகளிலும் மூவினத்தவரும் பரந்து ஒற்றுமையாக வாழ்ந்தனர். வியாபாரக் கொடுக்கல்வாங்கல்களில் ஈடுபட்டனர். தாம் அறிந்த வழிகளில் கருத்துப் பரிமாறிக் கொண்டனர். தமிழ்ப் பாடசாலைகளில் சிங்கள ஆசிரியர்களும் சிங்களப் பாடசாலைகளில் தமிழ் ஆசிரியர்களும் பணி புரிந்தனர். வடக்கிலும் கிழக்கிலும் தமிழ்ப் பாடசாலைகளில் சிங்கள மாணவர்கள் பயின்றனர்.ஆங்கில மொழி மூலம் கல்வி போதிக்கப்பட்ட கொழும்பு வெஸ்லிக் கல்லூரியில் .மூவினங்களையும் சேர்ந்த மாணவர்களும், ஆசிரியர்களும் கல்விச் செயற்பாடுகளில் ஈடுபட்டனர். அங்கு கேம்பிரிஜ் சீனியர் வகுப்பில் திரு. என். சின்னத்தம்பி அவர்களும், திரு. எஸ். ஜே. வி. சேல்வநாயகம் அவர்களும் கல்வி போதித்தனர். இத்தமிழ் ஆசிரியர்களிடம் பேராசிரியர் ஈ. டப்லியூ. அதிகாரம் கல்வி பயின்றார். மாணவர் அதிகாரத்திடம் காணப்பட்ட கல்வித் தாகத்தையும், ஆற்றலையும் அடையாளங்கண்ட திரு. செல்வநாயகம் கேம்பிரிஜ் சீனியர் பரீட்சைக்குத் தயாராகிக் கொண்டிருந்த அதிகாரத்தைப் பாடசாலை தொடங்கு முன்னர் வருமாறு கேட்டுத் தினமும் ஒன்றரை மணி நேரம் கணிதமும், விங்ஞானமும் பரீட்சைக்குத் தோற்றும் வரை இலவசமாகக் கற்றுக் கொடுத்தார்.

இவருக்குப் பொன்றே நூற்றுக் கணக்கான சிங்களக் கல்விமான்களின் கல்வி முன்னேற்றத்திற்குத் தமிழ் ஆசிரியர்கள் கைகொடுத்துள்ளார்கள். இவர்களுள் திரு. சின்னத்தம்பி பிற்காலத்தில் உயர்நீதிமன்ற நீதியரசராகத் திகழ்ந்தவர். திரு. எஸ். ஜே. வி. செல்வநாயகம் தமிழர்களுக்காகத் தனியரசு கோரிப் போராடியவர். இவ்வாறு சிங்களவருடன் ஒரே பாடசாலையிற் கல்வி கற்று சிங்கள மாணவர்களுக்கு ஒரே பாடசாலையிற் கல்வி கற்றுக் கொடுத்தவர்கள் இது துருவங்களாக நின்று போராட நேர்ந்ததேன்? பதவி வெறிகொண்ட சில அரசியல்வாதிகள் நாட்டுக்கும் மக்களுக்கும் எக்கேடு நேர்ந்தால் நமக்கென்ன ஆட்சி அதிகாரம் கிடைத்து விட்டால் சரி என்ற நினைப்பில் அப்பாவிச் சிங்கள மக்களிடையே இனவாதத்தையும், மொழி பேதத்தையும் தூண்டி விட்டுக் குளிர் காய்ந்தனர். அதன் தீய கொடிய விளைவுகளையே கடந்த நாங்கு தசாப்தங்களாக இந்நாடு அநுபவித்து வருவதோடு அதிலிருந்து மீண்டு கொள்ள வழி காணாது தவிக்கின்றது.

அரசாங்கத்தினால் நடைமுறைப் படுத்தப்படவுள்ள ஆரம்ப மற்றும் இடைநிலைப் பாடசாலைகளை அபிவிருத்தி செய்யும் செயற் றிட்டம் மகவும் சிறந்ததும் முற்போக்கானதுமான ஒரு திட்டமாகும் குறிப்பிட்ட ஒரு பிரதேசத்தில் ஒரு பாடசாலையையேனும் அனைத்து வளங்களும் கொண்டதாக அபிவிருத்தி செய்வது வரவேற்கத்தக்கதாகும். ஆனால் அது மொழி ரீதியானதாக அமைய வேண்டும் என்பது சிறுபான்மையினரின் அபிலாசை ஆகும். இது தொடர்பான மசோதா பாராளுமன்றத்தில் கல்வி அமைச்சரினால் சமாப்பிக்கப்பட விருப்பதாகத் தெரிகின்றது. ஆகவே அதற்கு முன்னர் அதன் சாதக பாதகங்கள் தொடர்பாகக் கல்வி மான்களும், சமூக ஆர்வலர்களும் கருத்துக்களை முன்வைத்து அரசியல்வாதிகள் மூலம் அரசாங்கத்தின் கவனத்தை ஈர்ப்பதன் வாயிலாகப் பாதகங்களைத் தவிர்ப்பதற்கான மாற்று யோசனைகளைக் கண்டறிவது அவசியம்.

எனவே இனங்களுக் கிடையிலான வேறுபாடுகள் இயல்பானவை. அவை சமய, கலாசார, பண்பாட்டு ரீதியானவை. அவற்றை முரண்பாடுகளாகக் காட்ட முயற்சிப்பவர்கள் இனவாதிகளான கல்விமான்களும், அதிகாரிகளும், அரசியல்வாதிகளுமேயாவர். ஒரே பாடசாலையில் ஒன்றாக இருந்து கல்வி கற்பதன் மூலமோ, ஒரே பிரதேசத்தில் ஒன்றாக வாழ்வதன் மூலமோ, காரியாலயத்தில் அல்லது தொழிற்சாலையில் ஒன்றாக வேலை செய்வதன் மூலமோ, சிங்களவர் தமிழையும் தமிழர் சிங்களத்தையும் கற்பதன் மூலமோ ஒரு போதும் இனங்களுக்கிடையில் முரண்பாடுகளைத் தீர்த்து விட முடியாது. பேச்சுக்களாலும், பிரகடனங்களாலும், அச்சுறுத்தல்களாலும், அடக்குமுறைகளாலும், துப்பாக்கிகளாலும் இன முரண்பாடுகள் அகன்று விட மாட்டா. அரசியல் வாதிகளும், அதிகாரிகளும. குல்விமான்களும் அந்தரங்க சுத்தியோடு இந் நாட்டில் வாழும் சிறுபான்மை மக்கள் எதிர்நோக்கி வரும் சமய, சமுக, பொருளாதார, கல்வி மற்றும் வேலைவாய்ப்பு போன்ற பிரச்சினைகளை இனங் கண்டு மனிதாபிமான அடிப்படையில் தீர்த்து வைக்க நடவடிக்கை எடுக்க மனம் வைப்பதன் மூலம் மாத்திரமே அது சாத்தியமாக முடியும்.

முன்ஸிப் பரீட் - கெலிஓயா

2011-02-23T13:40:00.000+05:30

எகிப்தின் இஃவானுல் முஸ்லிமீன் - இமாம் ஹஸனுல் பன்னாஹ் ரஹ்மதுல்லாஹி அலைஹி - ஒரு வரலாற்று பார்வை

எகிப்தில் இஃவானுல் முஸ்லிமீன் என்ற லட்சிய இயக்கத்தை தோற்றுவித்த இமாம் ஹஸனுல் பன்னாஹ் ரஹ்மதுல்லாஹி அலைஹி அவர்கள், 12 பிப்ரவரி 1949, சனிக்கிழமை இரவு 8.00, அன்று ஷஹீதாக்கப்பட்டு தற்போது 63-வது வருடம் நிறைவுறுகிறது.

எகிப்தில் தற்போது ஏற்பட்டுள்ள சர்வாதிகாரத்திற்கு எதிரான மக்கள் புரட்சியில் இஃவான்களின் பங்கு முக்கியத்துவமானதாகும்.

நபியவர்கள் கூறினார்கள்; அல்லாஹுத்தாலா ஒவ்வொரு நூற்றாண்டின் ஆரம்பத்திலும் இந்த மார்க்கத்தை புனர் நிர்மாணம் செய்கின்ற ஒருவரை அனுப்பி வைக்கிறான்" (அபூதாவூத்)

புனர் நிர்மாணம் என்றால் என்ன? என்பதற்கு ஆரம்பகால அறிஞர்கள் விளக்கம் தருகின்ற போது,''மார்க்கத்தில் புதிதாக நுழைந்த நூதனங்கள் அகற்றப்படுதல், மார்ர்க்கத்தில் மறக்கப்பட்ட அல்லது இல்லாது செய்யப்பட்டவற்றை மீண்டும் கொண்டு வருதல்'' போன்ற விளக்கங்களை அளித்துள்ளனர். (ஃபத்ஹுல் பாரி).

அது போன்றே நவீன கால அறிஞர்கள் இதற்கு விளக்கம் அளிக்கின்ற போது, ''மார்க்கத்தை குறித்து காலத்தின் பண்புகளுக்கு ஏற்ப விளங்கி நடைமுறைப்படுத்தல்'' என்றனர்.

இப்பொழுது புனர்நிர்மாணம் ஒன்று அவசியப்படுகிறது. அதன் இலக்கு என்ன?

நபி ஸல்லல்லாஹு அலைஹி வஸல்லம் அவர்களது அதே இலக்குதான் அதனுடைய இலக்காகவும் இருக்கும். அதிகாரத்துடன் தலைமையை வழங்க இங்கும் ஒரு கிலாபத் அவசியப்படுகிறது. 1928 ஆம் ஆண்டு மார்ச் மாதம், நபி ஸல்லல்லாஹு அலைஹி வஸல்லம் அவர்களது அதே இலக்குடன் அதே வழிமுறையுடன்; காலத்திற்குரிய இயல்புடனும் பாஷையுடனும் ஒரு புனர்நிர்மாணப் பணி ஆரம்பிக்கின்றது.

நபி ஸல்லல்லாஹு அலைஹி வஸல்லம் அவர்கள் தனது முதல் பணியை ஆரம்பித்தபோது, எவ்வாறு விரல் விட்டு எண்ணக்கூடிய சிலருடன் அதுவும் பெரிய சமூக அந்தஸ்தற்ற மனிதர்களுடன் ஆரம்பித்தார்களோ அதேபோன்று, சில மனிதர்களுடன் பெரிய சமூக அந்தஸ்தற்ற மனிதர்களுடன் அந்தப்புனர் நிர்மாணப்பணி ஆரம்பிக்கின்றது. அதுதான் இன்று பரந்து விரிந்து உலகின் அசைக்க முடியாத சக்தியாக இருக்கும் அல் இஃவானுல் முஸ்லிமூன் இயக்கமாகும்.

இந்த இயக்கம் ஸுஹைபுர்ரூமி போன்ற பிலால் போன்ற சமூக அந்தஸ்தற்ற ஆறு நபர்களுடன்தான் ஆரம்பித்திருக்கிறது. இமாம் ஹஸனுல் பன்னாவின் உரைகளினால் கவரப்பெற்ற இவர்கள் இமாமவர்களின் வீட்டுக்கு வந்து ''நீங்கள் குறிப்பிடுவதுப் போன்று பலப் பிரச்சனைகளைக் கொண்ட முஸ்லிம் சமூகத்தின் பிரச்சனைகள் தீர என்ன வழி? நாங்கள் அதற்காக எந்த தியாகத்தையும் செய்ய தயாராக இருக்கிறோம். ஆனால் என்னச் செய்வது என்பதுதான் தெரியாமல் இருக்கிறது. நீங்கள் எங்களுக்கு வழிக்காட்டுகிறீர்களா?'' என்றுக் கேட்டார்கள். அவர்களது உணர்வுகளால் கவரப்பட்ட இமாமவர்கள் அவர்களுக்கு வழிக்காட்டும் பணியை ஆரம்பித்தார்கள். அன்றே அவர்கள் தமக்கு வைத்துக்கொண்ட பெயர்தான் ''அல் இஃவானுல் முஸ்லிமீன் என்பது.

இந்த நிகழ்வு 1928 ஆம் ஆண்டு மார்ச் மாதத்தில் நடைபெற்றது. அந்த நிகழ்வுகள் நடந்து முடிந்து 79 ஆண்டுகள் முடிந்துவிட்டன. இன்று சுமார் 90 நாடுகளில் இந்த தாஃவக் காணப்படுகிறது. இன்னும் 21 வருடங்களில் 2028 ஆகின்றபோது இந்த புனர்நிர்மாணப் பணி அதன் உச்சத்தை அடைந்திருக்க வேண்டும். அதாவது முழு மனித சமுதாயத்திற்கும் வழிக்காட்டுகின்ற, அதற்குத் தலைமையை வழங்குகின்ற இடத்திற்கு இஸ்லாம் வந்து சேர்ந்திருக்கும்.

இன்னும் 21 வருடங்களில் இது சாத்தியப்படுமா? இன்ஷா அல்லாஹ் நிச்சயம் சாத்தியப்படப் போகிறது. அல்லாஹ்த்தாஅலா அல்குர் ஆனில் கூறுவதைக் கேளுங்கள்: "அல்லாஹ்வின் பாதையில் தங்கள் செல்வத்தைச் செலவிடுபவர்களுக்கு உவமையாவது ஒவ்வொரு கதிரிலும் நூறு தானிய மணிகளைக் கொண்ட ஏழு கதிர்களை முளைப்பிக்கும் ஒரு வித்தைப் போன்றது. அல்லாஹ் தான் நாடியவர்களுக்கு (இதை மேலும்) இரட்டிப்பாக்குகின்றான்; இன்னும் அல்லாஹ் விசாலமான (கொடையுடைய)வன்; யாவற்றையும் நன்கறிபவன்." (அல்குர் ஆன் 2:261)

இஸ்லாமிய தாஃவா என்பது, அதனது ஒரு முயற்சி எழு நூறு மடங்கு பரகத் பொருந்தியது. எழு நூறு மடங்கு விளைவைத் தரக்கூடியது. இதுதான் மேற்கூறிய வசனத்தின் பொருள். சுமார் 90 நாடுகளில் பரவியுள்ள இந்த தஃவாவின் மொத்த அங்கத்தவர்களை எழு நூறு மடங்காக அதிகரித்துப் பார்த்தால் எத்தனை பேர் இருப்பார்கள்? அவர்கள் ஒவ்வொருவரும் இந்த தாவாவுக்காக செலவுச் செய்யும் நாணயங்களை எழு நூறு மடங்கால் அதிகரித்துப் பார்த்தால் எவ்வளவு தொகை காணப்படப்போகிறது? அவர்கள் ஒவ்வொருவரும் செலவுச் செய்யும் நேரங்கள், மேற்க்கொள்ளும் முயற்சிகள் அனைத்தும் எழு நூறு மடங்காக எவ்வளவு தொகை காணப்படப் போகிறது? அவர்கள் ஒவ்வொருவரும் செலவுச் செய்யும் நேரங்கள், மேற்க்கொள்ளும் முயற்சிகள் அனைத்தும் எழு நூறு மடங்காக அதிகரித்துப் பார்த்தோம் எனின், இஸ்லாமிய கிலாபத் தோன்றுவதும் உலகிற்கு தலைமையை வழங்கும் சக்தியாக மாறுவதும் அசாத்தியமான ஒன்றாகத் தோன்றவில்லை.

எவ்வளவு தொகை காணப்படப் போகிறது? அவர்கள் ஒவ்வொருவரும் செலவுச் செய்யும் நேரங்கள், மேற்க்கொள்ளும் முயற்சிகள் அனைத்தும் எழு நூறு மடங்காக அதிகரித்துப் பார்த்தோம் எனின், இஸ்லாமிய கிலாபத் தோன்றுவதும் உலகிற்கு தலைமையை வழங்கும் சக்தியாக மாறுவதும் அசாத்தியமான ஒன்றாகத் தோன்றவில்லை. எனவே இன்னும் இருபத்தியொரு வருடங்களில் 2028ம் ஆண்டில் உலகிற்கு வழிகாட்டும் சக்தியாக, தலைமையை வழங்கும் சக்தியாக இஸ்லாம் தான் இருக்கப்போகிறது. அதற்கான பணி பலமாகவும் வேகமாகவும் முன்னெடுக்கப்படுகிறது. அன்றைய நாள் அந்த அதிசயத்தை கண்களால் காணும் பாக்கியத்தை அல்லாஹ் எங்களுக்கும் தரவேண்டும் என பிரார்த்திப்போம்.

இஸ்லாத்திற்காக தங்களையே அர்ப்பணித்த இஃவான்கள்

அல்லாஹ் எமது இறைவன், முஹம்மது எமது தூதர் ஸல்லல்லாஹு அலைஹி வஸல்லம் அவர்கள், திருக்குர்ஆன் எமது சாசனம், போராட்டம் எமது பாதை, வீரமரணம் எமது வேட்கை எனும் முழக்கத்துடன் இறையாட்சிக்கு பாடுபட்ட ஹஸன் அல் பன்னாவை சமாதான பேச்சுவார்த்தைக்கு அழைத்து ஷஹீதாக்கினார்கள்.

''ஏன் புத்தகங்களை எழுதுவதில்லை?'' என்று ஒரு தடவை ஷஹீத் ஹஸனுல் பன்னாஹ்விடம் கேட்ட போது அவர் சொன்னார் "நான் மனிதர்களை எழுதுகிறேன்." என்றார். ஆம் அவர் எழுதிய மனிதர்கள் ஏகாதிபத்தியங்கள் நடுங்கும் புத்தகங்களை எழுதியது மாத்திரமல்ல, மீண்டும் இவ்வுலகில் சத்திய ஸஹாபாக்களை நினைவுபடுத்தும் அளவு இஸ்லாத்திற்காக எதையும் தியாகம் செய்யவும் துணிந்தார்கள்.

நாசர் தன் ஆட்சி காலத்தில் 1954 ல் ஒட்டு மொத்த இஃவான்களையும் கூண்டோடு சிறை பிடித்தார். சிறைச்சாலைகளில் கொடுமையோடு தேர்ச்சி பெற்ற வேட்டை நாய்களை விட்டு கடிக்க வைப்பார்கள். பல தடவை அவர்களின் தோல் புயங்கள், கால் உடைக்கப்பட்டு உள்ளங்கை கிழிக்கப்பட்டு குற்றுயிராக கிடப்பார்கள். இப்படிப்பட்ட சூழலில் தான் சையது குதுபை விடுவித்து கல்வி அமைச்சர் பதவி தருகிறோம், அதை மறுத்து விட்டு சொன்னார்கள் "என்னை இஸ்லாத்தின் எதிரிகள் என்ன செய்து விட முடியும். தனிமை சிறையில் அடைத்தால் அது இறைவனுடான உரையாடல், தூக்கிலிட்டால் அது ஷஹாதத், நாடு கடத்தினால் அது ஹிஜ்ரத்" என்று முழங்கினார்கள்.

தலைமை நீதிபதியாக இருந்த அப்துல் காதர் அவ்தா இஸ்லாத்துக்கு முரணான மனித சட்டத்தின் அடிப்படையில் நீதி வழங்குவதை தன் பதவியை ராஜினாமா செய்தார்கள். பெண் என்றும் பாராமல் ஜைனப் கஜ்ஜாலி சிறையில் சித்ரவதை செய்யப்பட்டார்கள்.

அத்துணை கொடுமைகளையும் சகித்து கொண்டு சிறையிலிருந்து தான் உலக புகழ் பெற்ற திருக்குர்ஆன் விளக்கவுரையான பீ லீலாலில் குர்ஆன் (திருக்குர்ஆனின் நிழலிலே) புத்தகத்தை ஸைய்யது குதுப் எழுதினார்கள். ஜைனப் கஜ்ஜாலியின் "என் வாழ்வின் மறவா நினைவுகளும்" உலகையையே உலுக்கிய குதுபின் "மைல் கற்கள்" உள்ளிட்ட புத்தகங்கள் வெளியாயின.

உஸ்தாத் செய்யித் குதுப், யூஸுஃப் ஹவ்வாஷ், அப்துல் ஃபத்தாஹ் இஸ்மாயில் ஆகியோருக்கு தூக்கு தண்டனை விதித்து நீதிமன்றம் தீர்ப்பளித்த போது இஸ்மாயில் உரத்த குரலில் நீதிமன்றத்தில் முழங்கினார்கள் "கஃபாவின் ரட்சகன் மீது ஆணையாக நான் வெற்றியடைந்து விட்டேன்". இவை அனைத்தும் "அல்லாஹ் மீது நம்பிக்கை கொண்டார்கள் என்பதற்காக தவிர வேறு எதற்காகவும் பழிவாங்கவில்லை." என்று இறைவன் சூரத்துல் புரூஜில் குறிப்பிடும் படியே நடந்தது.

நன்றி: மீள்ப்பார்வை

2011-02-14T09:21:00.000+05:30

இஸ்லாத்தின் பார்வையில் காதலர் தினம்

இளசுகளின் மனம் மறந்தவிடாது அலைபாயும் ஒரு தினம் என்றால் பெப்ரவரி 14ம் திகதி காதலர் தினம்!

வாலிபர்கள், வயோதிபர்கள், தம்பதிகள் என்று பலரும் பூச்செண்டு, பரிசுப் பொருட்கள் கொடுத்து வாழ்த்து தெரிவிக்கிறார்கள். விஷேடமாக இளம் வாலிபர்கள் தங்களுடைய காதலை புனிதப் படுத்தக் கூடியதாக அத்தினத்தை பூஜிக்கிறார்கள். தனது பிறந்த நாளை மறந்துவிட்டாலும், ‘காதலர் தினத்தை’ மறந்தவிட முடியாத நிலையில் இத்தினம் பிரசித்தம் பெற்றுவிட்டது.

சர்வதேச ரீதியாக பலதினங்கள் விஷேட தினங்களாக கொண்டாடப்படுகிறன.

- போதை ஒழிப்புத் தினம்

- சிறுவர்இ முதியோர் தினம்

- சூழல் பாதுகாப்புத் தினம்

- சேமிப்புத் தினம்

- மகளிர் தினம்

- அன்னையர் தினம்

- தொழிலாளர் தினம்

இத்தினங்கள் பற்றிய அறிவும் ஆர்வமும் காணக்கிடைப்பது அரிது.

”காதலர் தினம்” மேற்கத்திய உலகில் சீரழிந்து போன கலாசாரத்தின் சிந்தனையால் உருவான தினம்!

இரவு பணிரெண்டு மணிக்கு காதலர்கள் ஒன்று கூடி முத்தமிடுவதும் பூச்செண்டுகளை பறிமாறுவதும் பரிசில்களை கொடுப்பதும் உல்லாசமாக ஊர்சுற்றுவதும் தனித்து நின்று உறவுகொள்வதும் மிகப்பெரிய நாகரீகம்.

நாளொருவன்னம், பொழுதொரு மேனியாக ஆண் பெண் உறவு (காதலர் காதலி உறவு) மாறிக்கொண்டேயிருக்கும்.

”ஒருவனுக்கு ஒருத்தி” என்ற நிலை மாறி ”ஒருவருக்கும், ஒருத்திக்கும் பலபேர்” என்று சாதாரணமாகிவிட்டது. அதனை பிரதிபலித்துக் காட்டுவதுதான் மேற்கத்திய உலகின் ‘காதலர் தினம்”!

கற்பு, கன்னித்தன்மை பற்றி அங்கேயாரும் அலட்டிக் கொள்வதில்லை. பரஸ்பரம் உடம்புகளை பரிமாறிக் கொள்வதில், கண்டவர் உடன் கூடிக் கொள்வதில் அலாதியான திருப்தி அவர்களுக்கு! இளம்பெண்களின் உடைகளை உரித்தெடுத்து பவனிவரவிடுவதும் அதற்கு புள்ளிகள் போட்டு கிரீடம் சூட்டுவதும் அவர்களுடைய பொழுதுபோக்கு! அழகு ராணி எனும் பெயரில் பெண்களின் அங்கங்களை அலந்துபார்த்து ரசிப்பதும் ருசிப்பதும் அவரக்களுடைய கௌரவமான பொழுதுபோக்கு! பெண்ணின் கற்பை மயக்கமருந்தாக உட்கொள்வதற்கான அத்தனை வாய்ப்புக்களையும் வழிகளையும் தாராளமாக ஏற்படுத்தி கொள்கிறார்கள். அதற்காகவே பல தினங்களை பல சந்தர்ப்பங்களை ஏற்டுத்துகிறார்கள்..

அமெரிக்க பாடகி மடோனா கூறும் போது ‘என்னுடன் படுக்கையைப் பகிர்ந்து கொண்ட அமெரிக்கா VIP .க்களின் பட்டியலை நான் எடுத்து விட்டால் அவர்களுடைய ”பெரிய மனிதர் இமேஜ் அத்தோடு காலி” என்றாள். மேலை நாட்டுகளில் பிள்ளைகளுக்கு தாய் சொல்லும் அட்வைஸ், மகளே! யாரோடு கூடினாலும் கருத்தடை உறையை பாவிக்க மற்ந்திடாதே! என்பது தான். கற்பை இழந்தாலும் கர்ப்பத்தோடு வராதே என்பது தார்மீக மந்திரம்!

பாடசாலை செல்லும் பிள்ளைகளும் தொழிலுக்கு செல்லும் பெண்களும் தங்களது பைகளில் களில் கருத்தடை மாத்திரை, கருத்தடை உறை வைத்துக் கொள்ள மறந்திடமாட்டார்கள். திருமணத்திற்கு முன் கன்னித் தன்மை இழத்தல் கர்ப்பம் தரித்தல் கர்ப்பத்தை கலைத்தல் ஏன் குழந்தையை பெற்றெடுத்தல் எல்லாம் சர்வ சாதாரணமான விடயம். பெரிதாக அலட்டிக் கொள்வதில்லை. அப்பன் பெயர் தெரியாத குழந்தைகளும் அம்மா பாசம் இல்லாத பிள்ளைகளும் நாளுக்கு நாள் உருவாகிக் கொண்டிருக்கிறார்கள்.

இவர்களது ”உல்லாசபுரியை” தான் காதலர் தினமாக அறிமுகப்படுத்தி இருக்கிறார்கள். மீடியாக்களாலும் ஜனரஞ்சக தினமாக அறிமுகப்படுத்தப்படுகிறது. சீரழிந்துபோன ஒரு சமூகத்தின் நாற்றம் வீசும் கலாசாரத்தின் நாகரீகப் பெயர் காதலர் தினம். நாறிப்போன இந்த அனாச்சாரம் கீழத்தேய நாடுகளில் அரங்கேற்றப்படுகிறது. நாகரீகத்தை புரிந்து கொண்டவர்களால் நாற்றம் வீசும் அம்சங்களை புரிந்து கொள்ள முடியாமல் போயுள்ளது.

”நட்பு தூய்மையானது ஆண் பெண் உறவு புனிதமானது அதனை கொச்சைப் படுத்தக் கூடாது” என்று அழகிய வார்த்தையில் காதல் பற்றி பேசலாம் கதைக்கலாம்இ வாதிக்கலாம். ஆனால் நடை முறையில் அது உண்மையல்ல என்று நிரூபிக்கப்பட்டு வருகிறது. காதலித்து கைவிடப்பட்ட எத்தனையோ அபலை பெண்களை பார்க்கிறோம். கற்பை சூரையாடி குதூகலிக்கும் எத்தனையோ கயவர்களையும் காண்கிறோம். ஏமாற்றப்பட்டுவிட்டோம் என கதறிஅழும் கன்னியர்களையும் கண்டிருக்கிறோம். மானம் போய்விட்டதே என்று தற்கொலை செய்துக்கொள்ளும் அப்பாவி பெண்களையும் அன்றாடம் கேள்விப்படுகிறோம். மகள் ஓடிப்போய்விட்டாளே என்று உயிரைமாய்த்து கொள்ளும் பெற்றோரையும் பாரக்கிறோம். கருவை கலைக்கச் சென்று மரணித்து போன பெண்களின் செய்திகளையும் படித்திருக்கிறோம். காதலியுடன தனித்திருந்து சல்லாபித்த காட்சிகளை மறைமுகமாக புகை படம் எடுத்து வீடியோ பண்ணி ‘பிளக்மையில்’ பண்ணும் காதலன் அதனை இன்டர்நெட்டுக்கு விட்டு பணம் பறித்து -சம்பாதிக்கும்-விடயத்தையும் பாரக்கிறோம். காதலாலும் அதன் புனித தினத்தினாலும் உருவான விபரீதங்கள்தானே இவைகள். ஆணும் பெண்ணும் தனிமையில் சந்திப்பது, ஊர் சுற்றுவதுஇ உலா வருவது என்பதுதான் காதல் என்றால் அதற்காகத்தான் காதலர் தினம் என்றால் அப்படிப்பட்ட தினத்தை இஸ்லாம் கண்டிக்கிறது. உலகம்தோன்றிய காலம் முதல் இன்று வரை பெண்ணின் கற்பைப் பற்றித் தான் இச்சமூகம் கூடுதல் கவனம் செலுத்தி வருகிறது. கற்புக்கு அவமரியாதையை ஏற்படுத்தும் ஏதாவது செயற்பாடுகள், அல்லது பேச்சுக்கள் இருந்தால் அது பெண்ணின் வாழ்க்கையே கேள்விக்குறியாக்கிவிடும். ”திருமணத்திற்கு முன்பு நீ ஒருவனுடன் ஊர் சுத்தியவள்தானே” என்று கணவன் மனைவியைப் பார்த்து கேட்டாலே போதும் அவளுடைய கற்பு கேள்விக்குரியாகி விடும் வாழ்க்கை அஸ்தமனமாகிவிடும்.

கற்பு என்பது புனிதமானது. அது ஆணுக்கும் பெண்ணுக்கும் பொது வானது. இருவரும் கற்பை பாதுகாக்க வேண்டும் என இஸ்லாம் உத்தரவிடுகிறது. ”தங்கள் பார்வைகளை தாழ்த்திக் கொள்ளுமாறும், தங்களது கற்பை பேணிக்கொள்ளுமாறும். நபியே! விசுவாசிகளான ஆண்களுக்கு நீர் கூறுவீராக!” ”தங்கள் பார்வைகளை தாழ்த்திக் கொள்ளுமாறும், தங்களது கற்பை பேணிக்கொள்ளுமாறும். நபியே! விசுவாசிகளான பெண்களுக்கும் நீர் கூறுவீராக! (அல்குர்ஆன் 24:30-31)

பெண்கள் இருக்கும் இடத்திற்கு நீங்கள் செல்வதை பற்றி உங்களுக்கு எச்சரிக்கிறேன் என்று நபி (ஸல்) அவர்கள் கூறினார்கள். அப்பொழுது ஒரு நபித்தோழர் கணவனின் நெருங்கிய உறவினர் அப்பெண்ணிடம் செல்லலாமா என்று கேட்டார். அதற்கு நபியவர்கள் கணவரின் நெருங்கிய உறவினர் மரணத்தைப் போன்றவர் என்று கூறினார்கள். அறிவிப்பவர் உக்பத் இப்னு ஹாமிர் (நூல்: புகாரி முஸ்லிம்)

உங்களில் ஒருவர் ஓர் அந்நியப் பெண்ணிடம் அவளுடைய (தந்தை, சகோதரன், மகன்) போன்ற மஹ்ரமான உறவினர்கள் உடன் இருந்தாலே அன்றி தனியே இருக்க வேண்டாம் என நபி (ஸல்) அவர்கள் கூறினார்கள். அறிவிப்பவர் இப்னு அப்பாஸ் (நூல்: புகாரி முஸ்லிம்.) சமூதாயக் கட்டுக்கோப்பை தகர்த் தெறியக் கூடிய அர்த்தமற்ற செயற்பாடுகளை இஸ்லாம் தடைசெய்கிறது. எச்சந்தர்ப்பத்திலும் அந்நிய ஆணும் அந்நிய பெண்ணும் தனிமையில் சந்திப்பது,பேசுவது, ஊர் சுற்றித் திரிவதைத் தடுக்கிறது. பெண்ணின் நன்மை கருதியே இஸ்லாம் இந்த தடையுத்தரவை பிறப்பிக்கின்றது.

ஒரு பெண் தனக்கு விருப்பமான ஒரு கணவனையும், ஒரு ஆண் தனக்கு விருப்பமான மனைவியையும் தேர்ந்தெடுப்பதை இஸ்லாம் தடுக்கவில்லை. பிள்ளைகளின் விருப்பப் படிதான் மணம் முடித்து வைக்க வேண்டுமென இஸ்லாம் கட்டளையிடுகிறது. இதற்காக இவர்கள் வேலிதாண்டிப் போக வேண்டுமென்று இஸ்லாம் கூறவில்லை. அன்னியப் பெண்ணைப் பார்ப்பது, அவளைத் தொடுவது, அவளுடன் உட்காருவது விபச்சாரத்தின் பக்கம் கொண்டுப் போகக் கூடிய காரியமென கண்டிக்கிறது. விபரீதம் ஏற்பட முன்பு விளைவைப் பற்றி அறிவுறுத்துகிறது. அவசரத் தேவைகள் ஏற்பட்டாலும் ஆண் பெண் பேசக் கூடாது தங்கள் தேவைகளை நிறைவேற்றிக் கொள்ளக் கூடாது எனக் கூறவில்லை. அவ்வாறான சந்தர்ப்பங்களில் கற்புக்கு பங்கம் ஏற்படாதவாறு கண்ணியத்துடன் நடந்துகொள்ளுமாறு கட்டளையிடுகிறது.

இதற்கு உதாரணமாக அல்குர்ஆன் அன்னை மர்யம் (அலை) அவர்களது வரலாற்றையும் மூஸா (அலை) அவர்களது வரலாற்றையும் சொல்லித்தருகிறது. (மர்யம்) தன் ஜனங்களை விட்டும் ஒதுங்கி ஒரு திரையைப் போட்டு (மறைத்து) கொண்ட சமயத்தில் நம்முடைய தூதரை (ஜிப்ரீல் (அலை) அவரிடம் அனுப்பிவைத்தோம். அவர் சரியான மனிதருடைய தோற்றத்தில் காட்சியளித்தார். நீர் இறையச்சமுடையவராக இருந்தால் உம்மை விட்டும் அளவற்ற அருளாளனிடம் நான் பாதுகாவல் தேடுகிறேன் என்று (மர்யம் ஜிப்ரீலை நோக்கி) கூறினார். (19:17-18)

மூஸா நபி மத்யன் வாசிகளான இரு பெண்களுக்கு நீர் இறைத்துக் கொடுத்து உதவி புரிந்தார். ”அது சமயம் அவ்விரு பெண்களில் ஒருத்தி மிக்க நாணத்தோடு அவர் முன் வந்து நீர் எங்களுக்கு தண்ணீர் புகட்டியதற்குரிய கூலியை உமக்கு கொடுக்கும் பொருட்டு என் தந்தை உம்மை அழைக்கிறார்” எனக் கூறினாள். (28:23-25) எனவே இஸ்லாம் கூறும் ஆண் பெண் உறவு பற்றிய விளக்கம் மிகத் தெளிவானது, புனிதமானது. அதனைத் தாண்டிப் போகும் செயலை இஸ்லாம் தடை செய்கிறது.

நன்றி இணையம்

2011-02-05T22:14:00.000+05:30

இளைஞர்கள் சமூகத்தின் தூண்கள்.

அஷ்ஷெய்க் நவாஸ் ஸனூர்தீன் தெரிவிப்பு.

இஸ்லாம் சமூக நிர்மாணப்பணியின் அடித்தளமாக இளைஞர்களைக் கருதுகின்றது. நபி (ஸல்) அவர்கள் காலம் முதல் இஸ்லாமிய கிலாபத்தின் வீழ்ச்சி வரை வந்த இஸ்லாமிய ஆட்சியாளர்கள் அனைவரும் இளைஞர்களுக்கே முன்னுரிமை வழங்கிவந்திருப்பதை இஸ்லாமிய வரலாறு நெடுகிலும் கண்டுகொள்ள முடிகிறது. நபி(ஸல்) அவர்களது இளைமைக் கால ‘ஹிள்புல் புளுழ்’ உடன்படிக்கை சமூக உருவாக்கத்திற்கும், நல்லிணக்க வாழ்வுக்கும் நபி(ஸல்) காட்டிய கரிசனைக்குச் சான்றாகும். அவ்வாறே மிகப் பெரும் ஸஹாபாக்கள் இருந்த நிலையிலும் ஓர் இளைஞரான உஸாமா பின் ஸைதைத் தலைமைத்துவத்திற்கு நியமித்தமை ஓர் இளைஞருக்கு நபி(ஸல்) அவர்கள் முன்னுரிமை அளித்தமைக்கான சான்றாகும். தாரிக் பின் ஸியாத், முஹம்மத் பின் காஸிம் போன்ற வரலாற்றுப் பாத்திரங்களும் இஸ்லாமிய வரலாறு இளைஞர்களை முன்னுரிமைப் படுத்தியமைக்கான சான்றாகும். குறிப்பாக இஸ்லாமிய வரலாறு நெடுகிலும் இளைஞர்கள் சமூகத்தின் தூண்களாக இருந்து வந்துள்ளனர் என உடுநுவர பட்டுப்பிட்டிய ‘புலூ செடோஸ்’ சங்கத்தினால் ஏற்பாடு செய்திருந்த 2010. 2011 ஆம் ஆண்டு கல்வி, விளையாட்டு மற்றும் கலைத் துறைகளில் சாதனை படைத்த மாணவ மாணவிகளைப் பாராட்டும் வைபவத்தில் விஷேட பேச்சாளராக கலந்து கொண்ட தெநுவர அல்மனார் தேசிய பாடசாலையின் உதவி அதிபர் அஷ்ஷெய்க் நவாஸ் ஸனூர்தீன் தெரிவித்தார்.

அவர் தொடர்ந்து உரையாற்றுகையில், 20ஆம் நூற்றாண்டின் இஸ்லாமிய எழுச்சியின் அடித்தளங்களாகவும் இளைஞர்கள் அமைந்திருந்தனர். சர்வதேச ரீதியாக முஸ்லிம்கள் ஒதுக்கப்பட்ட போதெல்லாம் அங்கு முஸ்லிம் இளைஞர்கள்தான் ஏனையவர்களைப் பாதுகாக்கும் கேடயங்களாக மாறினர். எகிப்து, சிரியா, பிலிப்பைன்ஸ் போன்ற நாடுகளில் முஸ்லிம் சமூக எழுச்சிக்கு இளைஞர்களே காரணகர்த்தாக்களாக அமைந்திருந்தனர்.

பலஸ்தீன் விடுதலைப் போராளிகளில் ஒருவராக இருந்த ஷஹித் அஹமத் ரிபாஈ தூக்கிலிடப்படவதற்கு முன்னர் எழுதிய புகழ்சார் அறபுக் கவிதைகள் இன்றைய முஸ்லிம் இளைஞர்களுக்கு ஈமானின் கலையைக் கற்றுத் தருகின்ற பாடங்களாக அமைந்துள்ளன. எனவே உங்களைப்போல கிராமிய எழுச்சிக்கு உதவ முன்வருகின்ற அனைத்து இளைஞர்களும் வெறும் சமூகப் பணியாளர்களாக மட்டும் இருக்காது ஈமானிய உணர்வும், இலட்சியமும் உள்ள ஆன்மீகவாதிகளாகவும் இருக்க வேண்டும். அப்போதுதான் உங்கள் பணி அல்லாஹ்வால் ஏற்றுக்கொள்ளப்பட்ட பணியாக அமையும். இஸ்லாமிய வரலாற்றில் வாழ்ந்த அத்தகைய ஈமானிய இளைஞர்களாக இந்த பட்டுப்பிட்டிய கிராமத்தில் உங்களைக்காண ஆசைப்படுகிறேன்.

இந்நிகழ்வின் பிரதம அதிதியாக கலாநிதி எம். ஜே. எம். பஸீல் அவர்களும், விஷேட பேச்சாளராக தெநுவர அல்மனார் தேசிய பாடசாலையின் உதவி அதிபர் அஷ்ஷெய்க் நவாஸ் ஸநூர்தீன் அவர்களும். விஷேட அதிதிகளாக, அல்மனார் தேசிய பாடசாலையின் பிரதி அதிபர் அஷ்ஷெய்க் எம்.ஜே.எம். ஹிஜாஸ், விஷன் நிறுவனத்தின் தலைவர் எம். பீ. எம் நியாஸ், கொழும்புப் பல்கலைக் கழக அறபு இஸ்லாமியத் துறை விரிவுரையாளர் என். கபூர்தீன் அவர்களும் கலந்து கொண்டனர்.

முன்ஸிப் பரீட்

2011-01-27T16:55:00.000+05:30

தூக்கம் விற்ற கனவுகள்

இருப்பவனுக்கோ வந்து விட ஆசை
வந்தவனுக்கோ சென்று விட ஆசை
இதோ அயல்தேசத்து ஏழைகளின்
கண்ணீர் அழைப்பிதழ்!

விசாரிப்புகளோடும்
விசா அரிப்புகளோடும் வருகின்ற
கடிதங்களை நினைத்து நினைத்து
பரிதாபப்படத்தான் முடிகின்றது!

நாங்கள் பூசிக்கொள்ளும்
சென்டில் வேண்டுமானால்...
வாசனைகள் இருக்கலாம்!
ஆனால் வாழ்க்கையில்...?

தூக்கம் விற்ற காசில்தான்...
துக்கம் அழிக்கின்றோம்!
ஏக்கம் என்ற நிலையிலே ...
இளமை கழிக்கின்றோம்!

எங்களின் நிலாக்கால
நினைவுகளையெல்லாம்...
ஒரு விமானப்பயனத்தூனூடே
விற்றுவிட்டு

கனவுகள்
புதைந்துவிடுமெனத் தெரிந்தே
கடல் தாண்டி வந்திருக்கிறோம்!

மர உச்சியில் நின்று
ஒரு தேன் கூட்டை கலைப்பவன் போல!
வாரவிடுமுறையில்தான்..
பார்க்கமுடிகிறது
இயந்திரமில்லாத மனிதர்களை!

அம்மாவின் ஸ்பரிசம்
தொட்டு எழுந்த நாட்கள்
கடந்து விட்டன!
இங்கே அலாரத்தின் எரிச்சல் கேட்டு
எழும் நாட்கள் கசந்து விட்டன!

பழகிய வீதிகள்பழகிய நண்பர்கள்
கல்லூரி நாட்கள் தினமும் ஒரு இரவு
நேர கனவுக்குள் வந்து வந்து
காணாமல் போய்விடுகிறது!

நண்பர்களோடு ஆற்றில்
விறால் பாய்ச்சல்
மாட்டுவண்டிப் பயணம்
நோன்புநேரத்துக் கஞ்சி

கிட்டிப்புல் கரம் கபடி சீட்டு என
சீசன் விளையாட்டுக்கள்!

ஒவ்வொரு
ஞாயிற்றுக்கிழமையாய் எதிர்பார்த்து...
விளையாடி மகிழ்ந்த உள்ளுர்
உலகக்கோப்பை கிரிக்கெட்!

இவைகளை
நினைத்துப்பார்க்கும்போதெல்லாம்...
விசாவும் பாஸ்போட்டும் வந்து...

விழிகளை நனைத்து விடுகிறது.!

வீதிகளில் ஒன்றாய்
வளர்ந்;த நண்பர்களின் திருமணத்தில்!
திராஒளன் அடித்து
மாப்பிள்ளை அலங்காரம்!

கூடிநின்று கிண்டலடித்தல்!
கல்யாணநேரத்து பரபரப்பு!

பழையசடங்குகள்
மறுத்துப்போராட்டம்!
பெண்வீட்டார் மதிக்கவில்லை
எனகூறி வறட்டு பிடிவாதங்கள்!

சாப்பாடு பரிமாறும் நேரம்...
எனக்கு நிச்சயித்தவளின் ஓரப்பார்வை!
மறுவீடு சாப்பாட்டில்
மணமகளின் ஜன்னல் பார்வை!

இவையெதுவுமே கிடைக்காமல்
கண்டிப்பாய் வரவேண்டும்
என்ற சம்பிரதாய அழைப்பிதழுக்காக
சங்கடத்தோடு...!

ஒரு

தொலைபேசி வாழ்த்தூனூடே...
தொலைந்துவிடுகின்றது
எங்களின் நீ...ண்ட நட்பு!

எவ்வளவு சம்பாதித்தும் என்ன?
நாங்கள் அயல்தேசத்து
ஏழைகள்தான்!

காற்றிலும் கடிதத்திலும்
வருகின்ற சொந்தங்களின்...
நண்பர்களின் மரணச்செய்திக்கெல்லாம்

அரபிக்கடல் மட்டும்தான்...
ஆறுதல் தருகிறது!

ஆம்
இதயம் தாண்டி
பழகியவர்களெல்லாம்...

ஒரு கடலைத்தாண்டிய
கண்ணீரிலையே...
கரைந்துவிடுகிறார்கள்!

இறுதிநாள் நம்மிக்கையில்தான்...
இதயம் சமாதானப்படுகிறது!

இருப்பையும் இழப்பையும்
கணக்கிட்டுப்பார்த்தால்
எஞ்சி நிற்பது இழப்பு மட்டும்தான்...

பெற்ற குழந்தையின்
முதல் ஸ்பரிசம் முதல் பேச்சு...
முதல் பார்வை... முதல் கழிவு...
இவற்றின் பாக்கியத்தை
றியாழும் தினாரும்
தந்துவிடுமா?

கிள்ளச்சொல்லி
குழந்தை அழும் சப்தத்தை...
தொலைபேசியில் கேட்கிறோம்!

கிள்ளாமலையே
நாங்கள் அழும் சப்தம்
யாருக்கு கேட்குமோ?

ஓவ்வொறு முறை ஊருக்கு
வரும்பொழுதும்...
பெற்றகுழந்தையின்
வித்தியாசப்பார்வை...
நெருங்கியவர்களின்... திடீர்மறைவு

இப்படி
புதிய முகங்களின்
எதிர்நோக்குதலையும்...
பழையமுகங்களின்
மறைதலையும் கண்டு...
மீண்டும்

அயல்தேசம் செல்லமறுத்து
அடம்பிடிக்கும் மனசிடம்...

தங்கையின் திருமணமும்...
வீட்டு கஸ்டங்களும்...
பொருளாதாரமும் வந்து...
சமாதானம் சொல்லி அனுப்பிவிடுகிறது
மீண்டும் அயல்தேசத்திற்கு

ரசிகவ் ஞானியார் - துபாய்

2011-01-20T16:54:00.000+05:30

அபாயா அணிவதால் பதவி ஏற்பதற்கு அநுமதி தர அதிபர் மறுப்பு

கொழும்பு 10 இல் சம்பவம்.

கொழும்பு 10 இல் அமைந்துள்ள பிரஸ்பிட்டேரியன் மகளிர் பாடசாலைக்கு மத்திய மாகாணத்திலிருந்து உடனமுலாகும் விதத்தில் இடமாற்றம் பெற்றுச் சென்ற முஸ்லிம் ஆசிரியைக்கு அபாயா அணிவாதால் பதவி ஏற்க அநுமதிக்க முடியாதென அக் கல்லூரி அதிபர் மறுப்புத் தெரிவித்துள்ளார்.

சுமார் 600 க்கதிகமான முஸ்லிம் மகளிர் பயிலும் இப்பாடசாலையில் தரம் 1 - 11 வரை சிங்களம், தமிழ் ஆகிய இரு மொழிகளிலும் வகுப்புக்கள் நடைபெறுகின்றன. துமிழ் மொழி முலம் போதிக்கப்படும் தரம் 1, 2 ஆகிய வகுப்பக்களில் தற்போது ஒரே ஆசிரியையே கல்வி போதிப்பதுடன் ஏனைய வகுப்புக்களில் இஸ்லாம் பாடம் கற்பிப்பதற்கு ஆசிரியர் எவரும் இல்லாத நிலையில் மேல் மாகாணக் கல்விப் பணிப்பாளர் ஆரம்பக் கல்வி பயிற்றப்பட்ட இம்முஸ்லிம் ஆசிரியைக்கு இப்பாடசாலைக்கு இடமாற்றம் வழங்கியுள்ளார்.

பதவியேற்பதற்கு முன்னர் பாடசாலையைப் பார்வையிடச் சென்ற ஆசிரியை அன்று அதிபர் பிரசன்னமாகி இராததனால் தமிழ்ப் பிரிவுப் பொறுப்பாசிரியையிடம் தனது இடமாற்றம் பற்றித் தெரிவித்துள்ளார். அது பற்றி மகிழ்ச்சி தெரிவித்த பிரிவுத் தலைவி, இங்கு கருப்பு நிற அபாயா அணியாமல் மாற்று நிறங்களில் அபாயா அணிந்து வறுமாறு ஆலோசனைக் வழங்கியுள்ளார்.

அதற்கேற்ப அதிக பணச்செலவில் வேறுநிறங்களில் அபாயாவைத் தைத்து அணிந்து, கடந்த வாரம் கடமை ஏற்கச் சென்ற ஆசிரியைக்கு ‘இப்பாடசாலையில் அபாயா அணிய அநுமதிப்பதில்லை’ என்றும், இங்கு பதவி ஏற்க விரும்பினால், வேண்டுமாயின் ‘ஸாரியும் தலைக்கவசமும்’ அணிந்து வருமாறும் அதற்கு சம்மதிக்க முடியாதிருப்பின் வேறு பாடசாலைக்கு இடமாற்றம் பெற்றுச் செல்லுமாறும் பேரினத்தைச் சேர்ந்த அப்பாடசாலையின் அதிபர் தெரிவிததள்ளார்.

அப்போது, தனக்குப் பிரிவுத் தலைவியே இவ்வாறு வேறு நிறத்தில் அபாயா அணிந்து வருமாறு கூறியதாகத் தெரிவித்த போது, பிரிவுத் தலைவியை அழைத்த அதிபர் இப்பாடசாலையில் அதிபர் நீரா நானா எனக் கடுந் தொனியில் வினவியுள்ளார்.

இதுபற்றி மேல் மாகாண கல்விப் பணிப்பாளரிடமும், சுகவீனமுற்றுள்ள மேல்மாகாண ஆளுநர் அல் ஹாஜ் அலவி மௌலான விடமும் முறைப்பாடு செய்யப்பட்டுள்ளது. இவ்வாசிரியைக்கு மேல்மாகாண கல்விப் பணிப்பாளர் வேறு முஸ்லிம் பாடசாலை ஒன்றுக்கு உடன் இடமாற்றம் வழங்கியுள்ளார்.

பெரும் பாலான முஸ்லிம் மாணவிகள் கல்வி பயிலும் இப்பாடசாலையின் பாடசாலை அபிவிருத்திச் சங்கத்தின் செயற் குழுவில் முஸ்லிம் பெற்றாரும் இடம்பெற்றுள்ளதுடன் ஆண்டுதோறும் டொனேஷன் என்ற வகையில் பெரும் தொகையான பண உதவிகளையும் இப் பாடசாலையின் அபிவிருத்திக்காக வழங்கி வருவதாகவும் தெரிவிக்கப்படுகின்றது.

மேல் மாகாணத்தில் முஸ்லிம் மாணவிகளின் கல்வித் தரம் மிகவும் பாதிக்கப்பட்டுள்ளதாக ஊடகங்கள் மூலம் அடிக்கடி தெரிவிக்கப்படுகின்ற அதே வேளையில், முஸ்லிம் மாணவிகளைப் பெரும்பான்மையாகக் கொண்டு பயிலும் இவ்வாறான பாடசாலைகளுக்கு நியமிக்கப்படுகின்ற ஆசிரியைகளுக்கு அவர்களின் அடிப்படை மத உரிமைக்கேற்ற உடை அணிந்து செல்வதைச் சகித்துக் கொள்ளத் தயாரில்லாத அதிபர்கள் அதிபராக இருக்கும் நிலையில் முஸ்லிம் பிள்ளைகளின் கல்வித் தரத்தை உயர்த்தவது எப்படி என பெற்றார் வினவுவதோடு கவலைதெரிவிக்கின்றனர்.

அத்தோடு 600 க்கதிகமான முஸ்லிம் மாணவிகளைக் கொண்ட இப்பாடாலையில் தமிழ் மெழிமூலம் பயிலும் முஸ்லிம் மாணவிகள் கட்டாய பாடங்களில் ஒன்றான சமய பாடத்தைக் கற்பிப்பதற்கு முஸ்லிம் ஆசிரியர் எவரும் இதுவரை நியமிக்கப் படாததனால் கத்தோலிக்க அல்லது இந்து சமய பாடத்தைக் கற்க வேண்டிய துர்ப்பாக்கிய நிலைக்கு உள்ளாகியுள்ளனர்.

நாடளாவிய ரீதியில் பல்கலைக்கழகங்கள், இந்து, பௌத்த, கத்தோலிக்க மற்றும் சில சர்வதேசப் பாடசாலைகளிலும் இவ்வாறான சம்பவங்கள் அண்மைக் காலமாக அடிக்கடி இடம்பெற்று வருவது அதிகரித்துக்கொண்டே வருகின்றன. இவ்வாறான சம்பவங்கள் இடம்பெறுவதற்கு மத ரீதியான புரிந்தணர்வு போதாமையும், மதச் சகிப்புத்தன்மை இல்லாமையுமே காரணமாக அமையப்பெறுகின்றன எனக் கல்விமான்கள் தெரிவிக்கின்றனர்.

முன்ஸிப் பரிட்

2011-01-17T23:43:00.000+05:30

தத்தெடுப்பது கூடுமா?

பதில் :

குழந்தைகளைத் தத்து எடுத்து வளர்ப்பதற்கு மார்க்கத்தில் தடையில்லை. ஆனால் அதே சமயம் எடுத்து வளர்ப்பதால் தந்தை, மகன் என்ற உறவோ, வாரிசுரிமையோ ஏற்பட்டு விடாது. நாம் ஒரு குழந்தையைத் தத்தெடுத்து வளர்க்கிறோம் என்றால் அந்தக் குழந்தையின் தந்தை பெயருக்குப் பதிலாக நம்முடைய பெயரைப் பயன்படுத்துவதற்கு அனுமதியில்லை.

இஸ்லாத்தின் ஆரம்ப கட்டத்தில் ஒருவர் ஒரு குழந்தையைத் தத்தெடுத்து வளர்த்தால் அக்குழந்தைக்கு அவர் தான் தந்தை என்று கருதும் வழக்கம் இருந்தது. வளர்ப்பு மகன் தன்னை எடுத்து வளர்த்தவருக்கு வாரிசாகி வந்தார். பின்பு இஸ்லாம் இதைத் தடை செய்து விட்டது.

குழந்தையை வளர்க்கும் பொறுப்பை ஏற்கும் அதே வேளையில் அக்குழந்தையின் தந்தை எவரோ அவர் தான் அக்குழந்தைக்குத் தந்தையாக எப்போதும் இருப்பார். வளர்ப்பவர் ஒருக்காலும் தந்தையாக முடியாது. வளர்க்கப்பட்டவர் வளர்த்தவருக்கு வாரிசாகவும் முடியாது என்று புதிய சட்டம் பிறப்பிக்கப்பட்டது. இதைப் பின்வரும் வசனமும் ஹதீஸ்களும் தெளிவுபடுத்துகின்றன.

அவர்களை அவர்களின் தந்தையருடனே சேர்த்து அழையுங்கள்! அதுவே அல்லாஹ்விடம் நீதியானது. அவர்களின் தந்தையரை நீங்கள் அறியா விட்டால் அவர்கள் உங்களின் கொள்கைச் சகோதரர்களும், உங்கள் நண்பர்களுமாவர். தவறுதலாக நீங்கள் கூறி விடுவதில் உங்கள் மீது குற்றம் இல்லை. மாறாக உங்கள் உள்ளங்களால் தீர்மானித்துக் கூறுவதே (குற்றமாகும்). அல்லாஹ் மன்னிப்பவனாகவும், நிகரற்ற அன்புடையோனாகவும் இருக்கிறான்.

அல்குர்ஆன் (33 : 5)

நபிகள் நாயகம் (ஸல்) அவர்களின் துணைவியாரான ஆயிஷா (ரலி) அவர்கள் கூறினார்கள் :

அல்லாஹ்வின் தூதர் (ஸல்) அவர்களுடன் பத்ருப் போரில் கலந்து கொண்டவர்களில் ஒருவரான அபூ ஹுதைஃபா (ரலி) அவர்கள் சாலிமைத் தம் வளர்ப்பு மகனாக ஆக்கிக் கொண்டார்கள். அவருக்குத் தம் சகோதரரின் மகளான ஹிந்த் பின்த் வலீத் பின் உத்பாவைத் திருமணமும் செய்து வைத்தார்கள். சாலிம் ஓர் அன்சாரிப் பெண்ணின் அடிமையாக இருந்தவர். அல்லாஹ்வின் தூதர் (ஸல்) அவர்கள் ஸைதை வளர்ப்பு மகனாக ஆக்கிக் கொண்டது போல (சாலிமை, அபூ ஹுதைஃபா -ரலி- அவர்கள் வளர்ப்பு மகனாக்கிக் கொண்டார்கள்.) மேலும், அறியாமைக் காலத்தில் ஒருவரை அவருடைய வளர்ப்புத் தந்தை(யின் பெயர்)உடன் இணைத்து மக்கள் அழைப்பதும் அவரது சொத்துக்கு வாரிசாக (வளர்ப்பு மகனை) ஆக்கும் பழக்கமும் இருந்து வந்தது. "வளர்ப்புப் புதல்வர்களை அவர்களின் சொந்தத் தந்தை(யின் பெயர்) உடன் இணைத்து அழையுங்கள்'' என்னும் (33:5) வசனத்தை அல்லாஹ் அருளும் வரையில் (இந்தப் பழக்கம் நீடித்தது)

அப்துல்லாஹ் பின் உமர் (ரலி) அவர்கள் கூறுகிறார்கள் :

"வளர்ப்புப் புதல்வர்களை அவர்களின் சொந்தத் தந்தையுடன் சேர்த்தே அழையுங்கள். இதுவே அல்லாஹ்விடம் நீதியாகும்'' எனும் (33:5ஆவது) குர்ஆன் வசனம் அருளப்படும் வரை, நாங்கள் அல்லாஹ்வின் தூதர் (ஸல்) அவர்களால் விடுதலை செய்யப்பட்ட (அவர்களின் வளர்ப்பு மகன்) ஸைத் பின் ஹாரிஸா (ரலி) அவர்களை "ஸைத் பின் முஹம்மத்' (முஹம்மதின் புதல்வர் ஸைத்) என்றே அழைத்து வந்தோம்.புகாரி (4782)

வளர்ப்புக் குழந்தைக்கு வாரிசுரிமை ஏற்படாது. எனினும் ஒருவர் விரும்பினால் தனது வளர்ப்பு மகனுக்கு மரண சாசனம் (உயில்) மூலம் சொத்தை எழுதி வைக்கலாம்.

பாகப் பிரிவினை என்பது) அவர் செய்த மரண சாசனத்தையும் கடனையும் நிறைவேற்றிய பின்னரே.

அல்குர்ஆன் 4:11

செய்யப்பட்ட மரண சாசனம், மற்றும் கடனுக்குப் பிறகே (பாகம் பிரிக்கப்பட வேண்டும்)

அல்குர்ஆன் 4:12

பொதுவாக மரண சாசனம் செய்ய அனுமதி உள்ளதை இந்த வசனத்திலிருந்து அறியலாம். ஆயினும் இவ்வாறு செய்யும் மரண சாசனம் மூன்றில் ஒரு பகுதியைத் தாண்டக் கூடாது. மூன்று லட்சம் ரூபாய் சொத்துக்களை விட்டுச் செல்பவர் ஒரு லட்சம் ரூபாய் அளவுக்குத் தான் மரண சாசனம் செய்யும் உரிமை படைத்துள்ளார்.

ஒருவர் முழுச் சொத்துக்கும் மரண சாசனம் எழுதி வைத்தாலும் மூன்றில் ஒரு பங்கு அளவுக்குத் தான் அது செல்லும். எஞ்சியவை இஸ்லாம் கூறும் முறைப்படி வாரிசுகளுக்குப் பங்கிடப்பட வேண்டும்.

விடை பெறும் ஹஜ்ஜின் போது நபி (ஸல்) அவர்கள் நோயுற்றிருந்த என்னை விசாரிக்க வந்தார்கள். அந்த நோயினால் நான் இறப்பின் விளிம்புக்கே சென்று விட்டிருந்தேன். நான், "அல்லாஹ்வின் தூதரே! நான் ஒரு செல்வந்தன். எனக்கு ஒரேயொரு மகளைத் தவிர வேறு எவரும் இல்லை. இந்நிலையில் நீங்கள் பார்க்கின்ற வேதனை என்னை வந்தடைந்து விட்டது. ஆகவே நான் என் செல்வத்தில் மூன்றில் இரண்டு பங்கை தர்மம் செய்து விடட்டுமா?'' என்று கேட்டேன். அதற்கு நபி (ஸல்) அவர்கள் வேண்டாம் என்று சொன்னார்கள். "அப்படியென்றால் அதில் பாதியைத் தர்மம் செய்து விடட்டுமா?'' என்று கேட்டேன். நபி (ஸல்) அவர்கள், "மூன்றில் ஒரு பங்கு! ஸஅதே! மூன்றில் ஒரு பங்கே அதிகம் தான். நீங்கள் உங்கள் வாரிசுகளை மக்களிடம் கையேந்தும் ஏழைகளாக விட்டு விட்டுச் செல்வதை விட தன்னிறைவு பெற்றவர்களாக விட்டுச் செல்வதே சிறந்ததாகும். நீங்கள் அல்லாஹ்வின் திருப்தியை நாடிச் செலவழிக்கும் எதுவாயினும் அதற்குரிய பிரதிபலனை அல்லாஹ் உங்களுக்கு அளித்தே தீருவான். உங்கள் மனைவியின் வாயில் நீங்கள் ஊட்டும் ஒரு கவள உணவாயினும் சரியே!'' என்று கூறினார்கள்.

அறிவிப்பவர்: ஸஅத் (ரலி)

மேலும் குழந்தையை தத்தெடுத்து வளர்க்கும் பெண்கள் அக்குழந்தைக்குத் தாயாக முடியாது. அக்குழந்தை திருமணம் முடிக்க தடைசெய்யப்பட்ட நெருங்கிய உறவினராக முடியாது.

எனவே அக்குழந்தை பருவ வயதை அடைந்து விட்டால் ஒரு அந்நியரிடம் எப்படி நடந்து கொள்ள வேண்டும் என்று இஸ்லாம் ஒழுங்கு முறைகளைக் கற்றுக் கொடுத்துள்ளதோ அந்த ஒழுங்கு முறைகளைப் பேணி நடந்து கொள்ள வேண்டும்.

உதாரணமாக தன்னால் வளர்க்கப்பட்டவருடன் தனியாக இருப்பது, பர்தா அணியாமல் அவருக்கு முன்னால் காட்சி தருவது போன்றவை கூடாது. அந்நிய ஆணுடைய அந்தஸ்த்தையே அவருக்குக் கொடுக்க வேண்டும்

நன்றி, இணையம்

2011-01-11T23:08:00.000+05:30

பாருக்குள்ளே ஒரு நாடு

அவர்களைச் சிறையில்
சந்தித்தேன்....
“என்ன குற்றம் செய்தீர்கள்”
என்று கேட்டேன்.

ஒவ்வொருவராகச்
சொன்னார்கள்.

எங்கள் வீட்டில்
திருடிக்கொண்டு ஒருவன் ஒடினான்.
“திருடன் திருடன்” என்று கத்தினேன்.
அமைதிக்குப் பங்கம் விளைவித்தாக என்னைக்
கைது செய்து விட்டார்கள்.

“என் வருமானத்தைக்
கேட்டார்கள்”
‘நான் வேலையில்லாப்
பட்டாதாரி’ என்றேன்
வருமானத்தை மறைத்தாக வழக்குப்
போட்டு விட்டார்கள்.

“நான் கரி மூட்டை
தூக்கும் கூலி”
கூலியாக கிடைத்த
ரூபாய் நோட்டில்
கரி பட்டுக் கறுப்பாகிவிட்டது.
கறுப்பு பணம்
வைத்திருந்ததாகக்
கைது செய்து விட்டார்கள்.

“என் வயலுக்கு வரப்பு
எடுத்துக் கொண்டிருந்தேன்
பிரிவினைவாதி என்று
பிடித்துக் கொண்டு
வந்து விட்டார்கள்”

“அதிகாரி லஞ்சம் வாங்கினார், தடுத்தேன்.
அரசுப் பணியாளரை
அவருடைய கடமையைச்
செய்ய விடாமல்
தடுத்ததாகத் தண்டித்து விட்டார்கள்.”

“அலிபாபாவும் நாற்பது
திருடர்களும்” படச்
சுவரொட்டியை ஒட்டிக் கொண்டிருந்தேன்.
சட்டமன்ற
உறுப்பினர்களை
அவதூறு செய்ததாக
அழைத்துக் கொண்டு
வந்து விட்டார்கள்”

“வறுமைக் கோட்டை
அழிப்போம்” என்று பேசினேன்.
அரசாங்க சொத்தை
அழிக்கத் தூண்டியதாக
அடைத்துப்
போட்டுவிட்டார்கள்”

“ஊழல் பேர்வழிகளை
நாடு கடத்த வேண்டும்”
என்று எழுதினேன்,
“கடத்தல்காரன்” என்று
கைது செய்து விட்டார்கள்.

“நான் பத்திரிக்கை ஆசிரியன். தலையங்கத்தில்
உண்மையை எழுதினேன்.
நாட்டின்
ஸ்திரத் தன்மையைக்
குலைத்ததாகக் கொண்டு

வந்து விட்டார்கள்”

“சுதந்திர தின விழாவில்
‘ஜன கண மன’ பாடிக் கொண்டிருந்தார்கள்.
நான் பசியால் சுருண்டு படுத்துக்கொண்டிருந்தேன்.
எழுந்து நிற்க முடியவில்லை.
தேசிய கீதத்தை அவமதித்து விட்டதாகச் சிறையில்
அடைத்து விட்டார்கள்”

“அக்கிரமத்தை எதிர்த்து
ஆயுதம் ஏந்தச்
சொன்னான் கண்ணன்”
என்று யாரோ
கதாகாலட்சேபத்தில் சொல்லியிருக்கிறார்கள்
என்பெயர் கண்ணன்.
“பயங்கரவாதி” என்று
என்னைப் பிடித்துக் கொண்டு
வந்து விட்டார்கள்.

நான் வெளியே வந்தேன்.
சட்டம் ஒழுங்குப் பிரச்சினை
எதுவும் இல்லாமல் நாடு
அமைதியாக இருந்தது.
நன்றி இணையம்

2011-01-02T21:21:00.000+05:30

குழந்தைகளுக்கு எப்போதும் பெற்றோர்களே முன்மாதரியாக (Role Model) இருப்பது அவசியமாகும்.

ஐக்கிய வாலிபர் நலன்பரிச் சங்கத் தலைவர் முன்ஸிப் பரீட் தெரிவிப்பு

குழந்தைகள் என்பவர்கள் அடிப்படையில் பல்வேறு வித்தியாசமான பண்புகளையும், சிறப்பான குணங்களையும் கொண்டவர்கள். அவற்றை சரியாக இனங்கண்டு சரியாக வழிநடத்த வேண்டிய மிகப் பாரிய பொறுப்பு ஒவ்வொரு பெற்றோரையும் சாரும். மனித வாழ்க்கைக்குத் தேவையான அடிப்படைப் பண்புகளை குழந்தைப் பருவத்தில் கற்றுக் கொடுக்க வேண்டும். பொதுவாக குழந்தைப்பருவத்தில் உள்ள எல்லாப் பிள்ளைகளும் இன்னொருவரை பார்த்து சில விடயங்களை கற்றுக் கொள்வதில் ஆர்வமாக இருப்பர். அதிலும் குழந்தைகள் பெரும்பாலான விடயங்களை பெற்றோரிடமிருநதும் சக நண்பர்களிடமிருந்தும் கற்றுக்கொள்கின்றனர். அச்சந்தர்ப்ப்பத்தில் பிள்ளைக்கு நண்பராக பெற்றோர்களே இருப்பதோடு நண்பருக்குறிய வகிபங்கை பெற்றோர்கள் வகிக்க வேண்டும். எனவே குழந்தைகளுக்கு எப்போதும் பெற்றோர்களே முன்மாதரியாக(Role Model) இருப்பது அவசியமாகும் என உடுநுவர பட்டுப்பிட்டிய ஐக்கிய வாலிபர் நலன்பரிச் சங்கத்தினால் நிர்வகிக்கப்படும் ‘லிட்டில் பிலவர்ஸ்’ பாலர் பாடசாலையின் வருடாந்த கலைவிழாவின் தலைமை உரையை நிகழ்த்திய மேற்படி சங்கத்தின் தலைவர் முன்ஸிப் பரீட் தெரிவித்தார்.

அவர் தொடர்ந்து உரையாற்றுகையில், குழந்தை தாயின் கருவில் இருக்கும் போதே தாயிடம் காணப்படக் கூடிய நேர் (Positive) மறை (Negative) பண்புகளை கற்றுக் கொள்ள ஆரம்பிக்கின்றது. வளரும் அக்குழந்தை பெரும்பாலும் பெற்றோரின் பண்புகளை ஒத்த குழந்தையாகவே வளர்கிறது. குழந்தைகளுக்கு சரியான வழிகாட்டல்களை வழங்கவேண்டும். எப்போதும் பெற்றோர்கள் குழந்தைகளுக்கு ‘என்னால் முடியும், என்னால் எதனையும் சாதிக்க முடியும், நான் ஒரு கெட்டிக் காரன், நான் ஒரு நல்ல சுகதேகி’ என்ற நேர் (Positive) மனப்பாங்கை வளர்க்க வேண்டும். அப்போதே அக்குழந்தை பிற்காலத்தில் பல்வேறுபட்ட சவால்களுக்கும் முகங்கொடுத்து உடல் மற்றும் உள ரீதியாக ஆரோக்கியமானதொரு பிரஜையாக வளரும்.

குறிப்பாக குழந்தைகள் என்றாலே அவர்கள் துடிப்பானவர்களாக இருக்க வேண்டும். இது அவர்களின் திறமையையும் விவேகத்தையும் அதிகரிக்குமென நவீன உளவியளாளர்கள் கூறுகின்றனர். குழந்தைகள்; எப்போதும் விளையாட்டிலும் மற்றும் அவர்களை சந்தோஷத்திற்குள்ளாக்கும் ஏனைய கேளிக்கைகளிலும் ஆர்வம் காட்டுவர். பொதுவாக பாலர் பாடசாலைகளை எடுத்துக்கொண்டால் அங்குள்ள சிறுவர் மத்தியில் கற்றல் திறனை வளர்ப்பதனைக் காட்டிலும் சக மாணவர்களோடு எவ்வாறு சேர்ந்திரப்பது, பெற்றோரைப் பிரிந்து சில மணிநேரங்கள் இருக்கப் பழக்குவது, பாட்டு, கதை கூறல், நடனம் போன்றவாறான இண்னொரன்ன செயற்பாடுகளை வளர்ப்பதனையே நோக்காகக் கொண்டுள்ளன. எனவும் அவர் கூறினார்.

இந்நிகழ்வின் பிரதம அதிதியாக மத்திய மாகாண சபை உறுப்பின் தேசபந்து எஸ்.எம்.எம் மர்ஜான் அவர்களும் அதிதிகளாக தொழில் அதிபர் அல்ஹாஜ் எம்.ஜே.எம் ரிஸ்வி ஜேபி , உடுநுவர முஸ்லிம் போரவை பொதுச் செயளாலர் அல் ஹாஜ் பரீட் ஜேபி, பிரதேச சபை உறுப்பினர் அல் ஹாஜ் எம்.எல்.எம். முஹம்மட் லெப்பை அவர்களும் கலந்து கொண்டனர்.

கெலிஓயா நிருபர்(விடிவெள்ளி. 2011.01 06)

2010-12-25T23:08:00.000+05:30

இன்ஷா அல்லாஹ்

உன்னால் எல்லாச் சந்தர்ப்பங்களிலும்
முன்னால் செல்ல முடியாதென நினைக்கிறாய்
இழப்புக்களை மட்டும் உணர்கிறாய்
தனிமையிலேயே தவிக்கிறாய்
இரவை மட்டும் காண்கிறாய்
ஆதனால் இருளுக்குள் புதைந்து போயுள்ளாய்
உதவியற்றவனாக உணர்கிறாய்

எவ்வழியாகச் செல்ல வேண்டும் என்று
உனக்குப் புரியவில்லை
நம்பிக்கை அவன் மீது வை
ஏனெனில் உன் அருகாமையில்
அல்லாஹ் இருக்கிறான்
இன்ஷா அல்லாஹ்
இன்ஷா அல்லாஹ்

இன்ஷா அல்லாஹ்
உனக்கான பாதையை நீ கண்டு கொள்வாய்
ஓவ்வொரு தடவையும் தவறிழைக்கிறாய்
உன்னால் கரைசேரமுடியாதென எண்ணுகிறாய்
தாமதமான வழிமுறை அது

குழப்பங்களைச் சூழ நீ இருக்கிறாய்
முடிவுகளில் தவறிழைக்கிறாய்
அவை உன்னை தொந்தரவு செய்கின்றன
உன் உள்ளம்
வெட்கத்தால் நிரம்பியுள்ளது
நம்பிக்கையை மட்டும் இழக்காதே
ஏனெனில் உன் அருகாமையில்
அல்லாஹ் இருக்கிறான்
இன்ஷா அல்லாஹ்
இன்ஷா அல்லாஹ்

இன்ஷா அல்லாஹ்
உனக்கான பாதையைக் கண்டுகொள்வாய்
நீ அல்லாஹ்வின் பால் மீள்
அவன் ஒருபோதும் தொலைவில் இல்லை
நம்பிக்கையை அவன் மீது வை
இரு கரமேந்தி இறைவனிடம் பிரார்த்தி

ஓ யா அல்லாஹ்
நேர் வழியை எனக்கக் காட்டு
வழிதவறுவதைவிட்டும் பாதுகாத்திடு
நேர் வழி காட்டியவன் நீ மட்டுமே
நீ எனக்கு வழிகாட்டினாய்
இன்ஷா அல்லாஹ்
இன்ஷா அல்லாஹ்

இன்ஷா அல்லாஹ்
நாம் எமக்கான பாதையைக்
கண்டுகொள்வோம்
இன்ஷா அல்லாஹ்
இன்ஷா அல்லாஹ்
நாம் எமக்கான பாதையைக்
கண்டுகொள்வோம்
நான் அல்லாஹ்வின் பால் மீண்டுவிட்டேன்.
இன்ஷா அல்லாஹ்

முன்ஸிப் பரீட்

2010-12-17T19:13:00.000+05:30

கருகும் சிறகுகள்

இன்பமிகு கற்பனைகளை
கட்டாக அடுக்கிக் கொண்ட
கன்னிப் பெண்களினம்
கருகாகிக் கிடக்கிறதே
பரந்த இப்பாரினிலே

கல்யாணக் கனவுடனும்
கற்பனைகள் பலவுடனும்
குதிக்கின்ற கன்னியினம்
கருகிக் கிடக்கிறதே
ஐயையோ இப்புவிமேல்

சிட்டுக் குருவிகளாய்
சிறகடித்துப் பறந்து சென்ற
சின்னக் கன்னிக் குயில்
சிறகுகள் கருகாக
முடங்கிக் கிடக்கிறதே

தவறேது மிழைக்காது
தன்பாட்டிலிருந்த மயில்
இறகுகள் காய்கிறதே
சீதன வெப்பத்தினால்

துள்ளிக் குதிக்கின்ற
மான் போன்ற இக்கன்னியினம்
கருகிப் போவதற்கு
ஈரமற்ற நெஞ்சு கொண்ட
ஆண் மகனே முதல்மூலம்

.............Naseera...............

2010-12-14T23:05:00.000+05:30

எனது எதிர்பார்ப்பு.............

எப்போ ஒரு நாள்

நான் மரணிக்கத்தான்

போகின்றேன்

அதற்காக

கூட்டினுள் இருக்கும்

பச்சைக்கிளியும்

வீட்டு முற்றத்தில்

சுற்றித்திரியும்

வண்ணாத்திப் பூச்சிகளும்

ஓய்வெடுக்கவா போகின்றன

எனது உறவுகள் கண்ணீர்

விடுவார்கள்.

ஒட்டி உறவாடிய

நண்பர்கள்

கண் கலங்குவார்கள்

என்னை நேசித்தவர்கள்

பிரார்த்தனை புரிவார்கள்

எதையும் நான்

அறிய மாட்டேன்

என் பிரிவு

சிலருக்கு

வேதனையைக் கொடுக்கும்

சிலருக்கு

இழப்பாய்த் தெரியும்

இறுதியில் எதுவும்

என்னுடன் வராது

நான் சாதித்தவைகளைத் தவிர

நான் எதனையும்

எதிர்ப்பார்க்க வில்லை

ஒன்றைத் தவிர

முடியுமானால்

உண் பிரரர்த்தனைகளின்

ஓர் ஓரத்திலாவது

என்னை

சேர்த்துக் கொள்ள மறக்காதே!

முன்ஸிப் பரீட்

2010-12-12T09:12:00.000+05:30

எனக்குமொரு அழைப்புத்தா...

உனக்கு
அழத்தோன்றும் ஒரு நாளில்
எனக்குமொரு அழைப்புத்தா...
சத்தியமாய் நானுன்னை
சிரிக்கப் பண்ண மாட்டேன்.
நிச்சயமாய் என்னாலும்
சேர்ந்தழ முடியும்.

உனக்கு தூரத்தே எங்காவது
ஓடிவிடத் தோன்றும்
ஒரு நாளிலும்
அச்சமின்றி எனக்கொரு
அழைப்புத் தா...
சத்தியமாய் நானுன்னை
நின்றுவிடக் கேட்க மாட்டேன்
நிச்சயமாய் என்னாலும்
சேர்ந்தோடி வர முடியும்.

உனக்கு
அனைத்துக் குரல்களும்
கசக்குமோர் நாளிலும்
எனக்கொரு அழைப்புத் தா
சத்தியமாய் நான் வந்து
குரலெலுப்பிப் பேசமாட்டேன்.
நிச்சயமாய் என்னாலும்
நிசப்தமாய் இருக்க முடியும்...!

ஆனால்...
நீயாக அழைக்குமோர் நாளில்
என் பக்கம்
நீண்ட நிசப்தமிருந்தால்..
வேகமாய் வந்து
என்னைப் பார்!
சேர்ந்தழவோஇ
நிசப்தமாய் விழி பார்த்து
அமர்ந்திருக்கவோஇ
அன்றைக்கு என் தேவை
நீயாக இருக்கலாம்...
நன்றி இணையம்

2010-11-24T21:05:00.000+05:30

உலக பெண்கள் வன்முறை ஒழிப்பு தினமும் இலங்கை பெண்கள் முகம் கொடுக்கும் வீட்டு வன்முறையும்.

உலக நாடுகளில் பெண்களுக்கான வன்முறைகளை எதிர்க்கின்ற தினமான இன்று, பெண்கள் எமது நாட்டில் 60 சதவீத வீட்டு வன்முறைகளுக்கு நாளாந்தம் முகம் கொடுப்பதை எமது ஆய்வறிக்கைகள் சுட்டிக்காற்றுகின்றது.

இலங்கையில் அரசியல் பொது அலுவல்கள் மற்றும் ஏனைய விடயங்களில் பெண்கள் பங்குபற்றுவது தொடர்பாக 1970களில் கலந்துரையாடப்பட்ட விடயம் அறிந்த விடயமாகும். இலங்கை அரசாங்கமும். அரச சாரா நிறுவனங்களும் மற்றும் ஏற்பாட்டாளர்களும் பெண்களின் நிலை குறித்து ஆய்வொன்றை மேற்கொண்டனர்.. பொது வாழ்வில் பெண்களின் சமத்துவமின்மை பங்குபற்றல் என்பதை இல்லாதொழிப்பதற்கு விசேட கவனம் செலுத்தியதுடன் 1975ம் ஆண்டை பெண்கள் ஆண்டாக ஐ.நா பிரகடனப் படுத்தியபொழுது. பெண்களின் தனிப்பட்ட வாழ்வையும் திறம்படுத்த எண்ணியது.

குறிப்பாக இலங்கை அரசு ஜனநாயகத்தை தழுவியதாக அரசியல், பொருளாதார கொள்கைகளில் இருப்பதாகவும் வகுப்பு, சாதி, மதம் பால் நிலை என்பவற்றினை கருதாது அனைவரும் சுதந்திரத்தையும் சமத்துவவத்தையும் அனுபவிக்க உரியத்துடையவர்கள் என்றபோதும.; இலங்கையில் அரைவாசி பேர் பெண்களாக இருந்தும். அவர்களின் பொது வாழ்விலும் தனி வாழ்விலும் முழு பிரஜைகளாக உரிமை சுதந்திரத்தினை அனுபவிக்க முடியவில்லை. அதற்கு மேலாக அரசியலிலும் பொது வாழ்விலும் பெண்கள் உள்ளடக்கப்படாதவர்களாக உள்ளனர்.

எனவே பெண்களுக்கு வன்முறைகள் அதிகரிப்பதற்கான காரணங்கள் வன்முறைகளை பெண்கள் எற்றுக்கொள்ள பழக்கப்பட்டுள்ளார்கள். அதற்கு மேலாக ஆண்கள் பெண்களுக்கு வன்முறைகளை சாதாரனமாக செய்யலாம் என்ற ஒரு மனப்பாங்கை வளர்துக்கொண்டுள்ளார்கள். சாதாரனமாக வன்முறைகளை ஏற்றுக்கொள்ள சமூகம் தொடர்ந்தும் அனுமதியினை வழங்கி வருகின்றது.

பெண்கள் வீட்டு வேலைகளில் கூடுதலான நேரம் ஈடுபடுபவர்களாக இருக்கின்றனர். அத்தோடு வருமானத்தை ஈட்டுவதிலும் மறு உற்பத்தியிலும் பெண்கள் ஈடுபடுகின்றனர். இவ்வாறு வீட்டு சுமைகளை சுமக்கும் 60 விகிதமான பெண்கள் வீட்டு வன்முறைகளுக்கு நாள்தோறும் ஏதோ ஒரு வகையில் முகம் கொடுப்பதை அறிக்கைகள் குறிப்பிட்டுள்ளன. அதே நேரம் சமூக ஒடுக்கு முறைகளுக்கும் கேலி கூத்துகளுக்கும் பெண்கள் உற்படுவதை சமூகம் ஏற்றுக்கொண்டுள்ளது. குறிப்பாக வேலை பார்க்கும் இடங்களில் பெண்களை பாலியல் இச்சைகளுக்கு பயன்படுத்திஅவர்களுக்கு சலுகைகளை வழங்குவதை ஒரு வழக்கமாக கொண்டுள்ளார்கள். அதை எத்தனை பெண்கள் வெளியில் சொல்ல முடியாமல் இருப்பதை கேள்விபடுகின்றோம். இவைகளை சமூகம் கண்டும் கானாமல் இருக்கின்றது. இதற்கெல்லாம் காரணம் பெண்கள் எதனையும் சகித்து தாங்கிகொள்ளும் மனப்பாங்கை கொண்டுள்ளமையாகும்.

அத்தோடு தனது குடும்ப கௌரவம் காக்கவேண்டும் சமூகத்திற்கு அந்தஸ்தினை பெற்றுக் கொடுக்க துடிக்கும் பெண்கள் எதனையும் வெளியிடுவதில்லை. இவ்வாறான காரணங்களால் மேலும் மேலும் பெண்களுக்கு வன்முறைகளும் ஒடுக்கு முறைகளும் அதிகரித்து செல்வதற்கான வாய்ப்புகளே அதிகமாகும். இவ்வாறான நிலையில் பெண்களுக்கு பிரச்சனைகளை தீர்ப்பதென்றால, யார் முன்னின்று செயல்படவேண்டும். எமது சமூகம், குடும்பம் சமூக தலைவர்கள் முன்னின்று செயல்லபட வேண்டும். வன்முறைகளையும், சமத்துவமின்மையையும் ஒழிக்க பெண்கள் முன் வரவேண்டும்.

எப்படி முன் வருவார்கள் வன்முறை கலாசார அரசியலில் பெண்கள் எவ்வாறு முன் வருவார்கள். ஆனால் பெண்கள் வருவதால்தான் அவர்களின் பிரச்சனைகளுக்கு தீர்வு கான முடியும். பெண்கள் முன் வருவதால் சமூகமும் பிரச்சனையிலிருந்து விடுபட முடியும். எனவே பெண்களின் அரசியல் பிரவேசத்தில் சமூகத்திற்கு நன்மைகள் இருப்பதை உணர்த்தவேண்டும்.

வன்முறை கலாச்சார அரசியல் பெண்கள் அனுபவம் ஆண்களிலிருந்து வேறுபடுகின்றது. கடந்தகால பெண்களின் அரசியல் அனுபவங்கள் கசப்பானது. ஆடைகள் கிழிக்கப்படுவது வீடுகள் உடைக்கப்படுவது கொலை அச்சுறுத்தல்கள் மறுபுரத்தில். எனவே பெண்கள் இதனை எதிர் நோக்குவது சாத்தியமற்றது. பெண்களை அவமானம் செய்தல் பாலியல் தொந்தரவுகள் ஏற்படுத்தல் இவைகள் பெண்களுக்கே கூடுதலான விளைவுகளை ஏற்படுத்துகின்றன. ஆண், பெண் அரசியலில் பங்குகொள்ளும் வாய்ப்பு என்பது வேறு விடயம். இவ்வாறான சூழ்நிலையிலிந்து பெண்கள் ஒதுங்கிகொள்ள நேரிடுகின்றது. ஆனாலும் பெண்களின் மனப்பாங்கில் மாற்றத்தை ஏற்படுத்தவேண்டும். இவர்கள் எல்லா விடயங்;களையும் சமூக சேவையாக கருதக் கூடாது. தங்களை சமூக மாற்றத்திற்கு பணியாற்றுபவர்களாக புரிந்துகொண்டு மாற்றங்களை உருவாக்க வேண்டும். வெறுமனே நிவாரண பணியினை மேற்கொள்பவர்களாக இருக்க கூடாது. அரசியலில் பொதுவான பங்குபற்றல்கள் தொடர்பில் விழிப்புணர்வை பெண்களுக்கு ஏற்படுத்தவேண்டும். பெண்கள் முக்கியமாக பெண் உரிமையை பாதுகாக்க மாத்திரமின்றி சமூக மாற்றங்களை கானும் அரசியல் நோக்கத்திற்கு வரும்போதுதான். பெண்கள் மீது தினிக்கப்படும் வன்முறைகளை இல்லாதொழிக்க முடியும்.

மேலும் பெண்களுக்கு விழிப்புணர்வினை ஏற்படுத்தும்போது, அந்த சமூகத்தினையும் ஒன்றினைக்கவேண்டும். பெண்களுக்கு எதிரான அனைத்து வன்முறைகளுக்கும் அரசியல் பொது வாழ்வில் பங்குபற்றுதலுக்கும் சமூகமே தடையாக உள்ளது. பெண்களின் நிலைக்கு சமூகமே காரணம் என்பதை வழியுறுத்தவேண்டும். மேலும் சட்ட வாக்கங்கள் சட்ட ரீதியான மாற்றங்கள் நியதிகளை பெண்களுக்கு விசேடமாக உருவாக்குவதற்கு சமூக பங்குபற்றல் அவசியமானது. 1973ம் ஆண்டு உருவாக்கப்பட்ட பெண்கள் சாசனத்தில் பெண்களின் நன்மைக்காக 7 விடயங்கள் உள்ளடக்கப்பட்டுள்ளது. இதில் விசேடமாக பால் நிலை அடிப்படையிலான வன்முறையிலிருந்து பாதுகாக்கும் உரிமையும் உள்ளடக்கப்பட்டுள்ளதோடு. வீட்டு வன்முறைக்கான சட்டங்களும் உள்ளது. எனவே பெண்கள் வன்முறைகளை ஏற்றுக்கொள்ளும் மனப்பாங்கிலிருந்து விடுபடவேண்டும். பெண்கள் சமத்துவமாக கேள்விகள் எழுப்பவேண்டும். சிரிய செயல்பாடுகள் அரசியல் மட்டத்திலான பெரிய மாற்றங்களை உருவாக்க வாய்ப்புகள் உள்ளது. உங்களது பிரச்சனைகளை தீர்க்க முன்வரவேண்டும். அத்தோடு அரசியல் மட்டத்தில் அதற்கான ஏற்பாடுகளை செய்வதின் நிமித்தம் பெண்களுக்கு எதிரான அனைத்து வன் முறைகளையும் இல்லாமல் செய்ய முடியுமென்ற நம்பிக்கையுடன்.

பெண்களுக்கு எதிரான அனைத்து வன்முறைகளையும் இல்லாதொழிக்கும் தெற்காசிய பிரச்சார செயற்பாட்டின் இலங்கையின் தேசிய குழு உறுப்பினரும். நுவரெலியா மாவட்ட செயற்பாட்டு இணைப்பாளருமான.

திருமதி.சந்திரமதி களியபெருமாள்.

2010-11-23T19:50:00.000+05:30

தேசிய நலன்களுக்கு இந்நாட்டு முஸ்லிம்கள் ஒரு போதும் குந்தகம் விளைவிக்கவில்லை.

மத்தியமாகாண சபை உறுப்பினரும் முதலமைச்சரின் கல்விஅவதானிப்பாளருமான தேசபந்து எஸ்.எம்.எம். மர்ஜான் தெரிவிப்பு

1000 வருடங்களுக்கு மேலாக இந்நாட்டில் முஸ்லிகள் வாழ்ந்து வருகின்றனர். ஆரம்பகாலம் தொட்டு இலங்கையை ஆட்சி செய்த மன்னர்களின் வரவேற்பைப் பெற்றதுடன் நாட்டின் ஏற்றுமதி இறக்குமதி வியாபாரத்திற்கு முன்னோடியாக இருந்தனர். மேலும் முஸ்லிம்களது சமய, கலாசார மற்றும் பாரம்பரியங்களைப் பேணிப்பாதுகாத்துப் பின்பற்றுவதற்குப் பூரண சுதந்திரத்தை வழங்கிவந்துள்ளனர். சுதந்திரத்திற்கு முற்பட்ட காலங்களிலும், சுதந்திரத்திற்க பிற்பட்ட காலங்களிலும் தேசியப் பிரச்சினைகளின் போது பெரும்பான்மைச் சிங்கள பௌத்த மக்களுடன் அபிலாசைகளை நிறைவேற்றிக்கொள்ளப் பூரணமான அதரவை வழங்கியதுடன் தேசிய நலன்களுக்கு இந்நாட்டு முஸ்லிம்கள் ஒரு போதும் குந்தகம் விளைவிக்கவில்லை என உடுநுவர முஸ்லிம் பேரவையினால் ‘முஸ்லிம்கள் எதிர்நோக்கும் பிச்சினைகள்’ தொடர்பாகக் கலந்துரையாடும் பொருட்டு ஏற்பாடு செய்திருந்த விசேட செயற்குழுக் கூட்டமொன்றில் கலந்து கொண்டு உரையாற்றுகையில் மத்தியமாகாண சபை உறுப்பினரும் முதலமைச்சரின் கல்வி அவதானிப்பாளருமான தேசபந்து எஸ்.எம்.எம். மர்ஜான் தெரிவித்தார்.

அவர் தொடர்ந்து உரையாற்றுகையில், இந்நாட்டு முஸ்லிம்கள் சிங்கள மொழிச்சட்டம், குடியரசு யாப்பு, 1978ஆம் ஆண்டு யாப்பு, 18ஆவது அரசியல் திருத்தச் சட்டம் போன்ற முக்கியத்துவம் வாய்ந்த தேசியநலனை அடிப்படையாகக் கொண்ட அனைத்துச் சட்டத் திருத்தங்களின் போதும் கட்சிபேதமின்றி ஆட்சியில் இருந்த அரசுக்கு பூரண ஆதரவை வழங்கி வந்துள்ளனர்.

ஆங்கிலேயரின் ஆட்சிக்காலத்தின் போது கிறிஸ்தவ மிஸனரிகளால் நடத்தப்பட்டுவந்த மிஸனரிப்பாடசாலைகள் மூலம் கறிஸ்தவ சமயம் மற்றும் மேற்கத்திய கலாசாரம் என்பவற்றை இலங்கைமக்களிடம் திணிக்க முற்பட்ட வேளை சிங்களமக்களையும், பௌத்த சமய, கலாசார பாரம்பரியங்களையும் பாதுகாப்பதற்கு அநகாரிக தர்மபால, மொஹொட்டிவத்த குணானந்த தேரர், கேர்ணல் ஒல்கொட் போன்றோர் ஒன்றிணைந்து பௌத்த பிரமஞான சங்கத்தை நிறுவியதுடன் கொழும்பு ஆனந்தக் கல்லூரி, கொழும்பு நாலந்தக் கல்லூரி, கண்டி தர்மராஜக் கல்லூரி போன்ற பௌத்த கல்லூரிகளை நிறுவினார்கள். குறிப்பாக இலங்கையில் இன, மத அடிப்படையில் பாடசாலைகளை நிறுவுவதற்கு பௌத்த சிங்கள மக்களே வழிகாட்டியாகவும் முன்னோடியாகவும் இருந்து வந்துள்ளனர்.

இவர்களைப் பின்பற்றியே இந்து, சமய கலாச்சாரத்தைப் பேணிப் பாதுகாக்கும் பொருட்டு ஆறுமுகநாவலர், பொன்னம்பலம் அருநாசலம், விபுலானந்த அடிகள் போன்றோர் வடக்கிலும் கிழக்கிலும் இந்து சமயப் பாசாலைகளை நிறுவினார்கள்.

இவ்விரு சாராரையும் பின்பற்றியே அறிஞர் சித்திலெப்பை. வாப்பிச்சிமரிக்கார், ஐ. எல். ஏ. அஸீஸ், ஒராபிபாஸா போன்றோர் முஸ்லிம் சமய. கலாசார பாரம்பரியங்களைப் பேணிப்பாதுகாப்பதற்காக முஸ்லிம்களுக்கெனப் பிரத்தியேக பாடசாலைகளை கண்டி, காலி, புத்தளம், கொழும்பு பேன்ற பகுதிகளில் நிறுவினார்கள். மேலும் முஸ்லிங்கள் தேசிய நலன்களை மாத்திரம் அடிப்படையாகக் கொண்டே அனைத்து சந்தர்ப்பங்களிம் செயற்பட்டுவந்துள்ளனர்.

அண்மைக்காலமாக இப்போக்குக்கு முரணான இன, மத ரீதியான பாடசாலைகளை ஒழித்தக்கட்டும் வேலைத்திட்டமொன்றை இரகசியமாக அரசாங்க அதிகாரிகள் மேற்கொண்டுவருவதாக இப் பிரதேச மக்கள் பீதிகொண்டுள்ளனர். எனினும் அதிமேதகு ஜனாதிபதி மஹிந்த ராஜபக்ஸ அவர்களின் வெற்றிக்கு பேராதரவு வழங்கிய சிறுபான்மை மக்களின் சமய, கலாசார உரிமைகளைப் பறிப்பதற்கு ஒருபோதும் இடமளிக்கமாட்டார் என்று இன் நாட்டு மஸ்லிம்கள் நம்புவதாகவும் அவர் கூறினார்.

முன்ஸிப் பரீட்(விடிவெள்ளி 2010.11.25)

2010-11-15T20:20:00.000+05:30

சிறு குழந்தைகளின் சிறப்புக் குணங்களும் அவர்களுக்கான வழிகாட்டலும்.

குழந்தைப் பருவம் ஒவ்வொரு மனிதனின் வாழ்விலும் முக்கியமான காலகட்டமாகும். இக்காலகட்டத்தில் விடுகின்ற தவறுகள் அவர்களுக்கு பிற்காலத்தில் பாரிய பாதிப்புக்களை ஏற்படுத்துவதாக அமையும். குழந்தைகள் என்பவர்கள் பல்வேறு வித்தியாசமான, சிறப்பான குணங்களை கொண்டவர்கள். அவற்றை சரியாக அறிந்து பெரியவர்கள் அவர்களுக்கு வழிகாட்ட வேண்டும். இல்லாவிட்டால் அக்குழந்தை பிற்காலத்தில் பல சவால்களுக்கு முகம்கொடுக்க நேரிடுகின்றது. ‘ஐந்தில் வளையாதது ஐம்பதில் வளையாது’ என்று முன்னோர்கள் சொல்வார்கள். எனவே ஐந்தில் நாம் சரியான வழிகாட்டலை வழங்கும்பொது ஐம்பது சரியாக அமையும். அதற்கு நாம் குழந்தைகளின் சிறப்புக் குணங்கள் பற்றி அறிந்திருக்க வேண்டும்.

சிறுபிள்ளைப் பருவத்தில் அநேகமாக எல்லாக் குழந்தைகளும் துடிதுடிப்பாக இருப்பார்கள். குழந்தைகள் என்றாலே அவர்கள் துடிப்பானவர்களாக இருக்க வேண்டும். இது அவர்களின் திறமையையும் விவேகத்தையும் அதிகரிக்குமென நவீன உளவியளாளர்கள் கூறுகின்றனர். மேலும் இவர்கள் எதிர்காலத்தில் ஆரோக்கியமாகவும் சுறுசுறுப்பாகவும் இருப்பார்கள். அவ்வாறில்லாதவர்;கள் சுருசுருப்பற்றவர்களாகவும் கோழைகளாகவும் காணப்படுவர் என அண்மைக்கால ஆய்வுகள் கூறுகின்றன. ஆனால் எமது வீடுகளிலும் பாடசாலைகளிலும் மூத்தோர்கள் பிள்ளைகளின் துடிதுடிப்பை ஏசுவதன் மூலமும் தண்டிப்பதன் மூலமும் கட்டுப்படுத்துகினறனர். இது பிற்காலத்தில் அவர்களை மனரீதியான பின்னடைவை ஏற்படுத்துகின்றது. எனவே அவர்களின் துடிதுடிப்பை பயனுள்ள வகையில் பயன்படுத்த வேண்டும். வீட்டு வேலைகளை வழங்கலாம், பயனுள்ள விளையாட்டுக்களில் ஈடுபடுத்தலாம், கைப்பணிகளை மேற்கொள்ளச்செய்யலாம், பயனுள்ள சுற்றுலாக்களில் அழைத்துச் செல்லலாம், அறிவுச் செயற்பாடுகளில் ஈடுபடுத்தல் போன்ற இன்னோரண்ண நடவடிக்கைகளில் ஈடுபடுத்தலாம். எப்படியிருந்தாலும் அவர்களது துடிதுடிப்பை அவசியமின்றி கட்டுப்படுத்துக்கூடாது.

பிடிவாதம் சிறுபிள்ளைகளிடத்தில் அதிகமாக காணப்படும். இது பிள்ளைகளுக்கு பிள்ளைகள் வித்தியாசமாக இருக்கும். இதற்காக சிலர் பிள்ளைகளை தண்டிப்பர். இது பிடிவாதத்தை மேலும் அதிகரிக்கச் செய்யும். மேலும் ஆரம்பத்தில் ஒரு விடயத்தை மறுத்தால் தொடர்ச்சியாக அதை பேன வேண்டும். இல்லையேல் பிடிவாத்தால் எதையும் சாதிக்கலாம் என்ற மனநிலை அவர்களிடம் உருவாகிவிடும். அவர்களது மனோநிலையை மாற்றி அமைத்தல், கேள்விகளை கேட்டல், பரிசு வழங்கள், பாராட்டுதல், ஆரம்பத்திலேயே அதை வழிப்படுத்தல் போன்றனவற்றால் அதை தடுக்க வேண்டும். மாறாக தண்டனை வழங்குவதால் பிள்ளையின் உளநிலை பாதிப்படையும்.

குழந்தைப்பருவத்தில் எல்லாப் பிள்ளைகளும் இன்னொருவiரை பார்த்து சில விடயங்களை கற்றுக் கொள்வதில் ஆர்வமாக இருப்பர். தொலைக்காட்சியில் வரும் காட்சிகளைப்போல பிள்ளைகள் செயற்படுவதை நாம் எமது சூழலில் அவதானிக்க முடிகிறது. எனவே இப்பருவத்தில் பெற்றோர்கள் முன்மாதிரியாக நடந்துகொள்ள வேண்டும். ஏனெனில் பிள்ளைகளுக்கு முதல் சுழடந ஆழனநட பெற்றோர்களாவர். தீய செயல்களை அவர்களுக்கு முன்னால் செய்யாது இருக்க வேண்டும். மேலும் நல்ல காரியங்களுக்காக அவர்களை வழிப்படுத்த வேண்டும். குறிப்பாக தொலைக்காட்சிபார்ப்பதை இப்பருவத்தில் குறைக்க வேண்டும்.

சிறுபருவத்தில் குழந்தைகளுக்கு நல்லது கெட்டது பற்றிய அறிவு குறைவாகவே இருக்கும். இதனால் சிலர் அவர்கள் செய்யும் பிழையான விடயங்களையும் அவர்கள் அறியாது செய்கின்றனர், சிறு பிள்ளைகள்தானே என்று தட்டிக்கழித்து விடுகின்றனர். இது பிற்காலத்தில் அவர்களிடத்தில் பல தீய நடத்தைகளை ஏற்படுத்தும். எனவே சிறு வயதிலேயே நல்லது கெட்டது பற்றிய அறிவை அவர்களுக்கு வழங்க வேண்டும்.

சிறு பிள்ளைகள் அதிகமாக கேள்விகேட்கக்கூடியவர்களாக இருப்பார்கள். அவ்வாறு கேட்கும்போது அதனை தடை செய்வதால் பிற்காலத்தில் பெரியவர்களிடத்தில் தமது கருத்துக்களை கூறத்தயங்குவார்கள். மேலும் இது ஆளுமைப் பிறழ்வுகளையும் ஏற்படுத்தும். ஆனால் அவர்களது கேள்விகளுக்கு ஏற்ப நல்ல பதில்களை அவர்களுக்கு வழங்கும்போது அது அவர்கள் மனதில் நல்ல மனப்பதிவுகளை ஏற்படுத்தும். இவ்வேளையில் அவர்களது தொல்லை தாங்க முடியாமல் நாம் கொடுக்கும் பிழையான பதில்கள் அவர்களிடத்தில் பல பிழையான மனப்பதிவுகளை ஏற்படுத்தும் என்பதை கவனத்தில் கொள்ள வேண்டும்.

சிறுவயதில் பிள்ளைகளுக்கு அதிகமான நினைவாற்றல் இருக்கும். அதனை சரியாக பயன்படுத்தும்போது அது தொhடர்ச்சியாக வளரச்சி அடையும். ஆனால் பெற்றோர்கள் இக்காலத்தில் சரியான செயற்பாடுகளை அவர்களுக்கு வழங்காது அவர்கள் பாட்டில் அவர்களை விடும்போது அவர்களது நினைவாற்றல் குறைவதுடன் பிழையான விடயங்கள் அவர்கள் மனதில் பதிந்து விடும். இது அவர்களில் பாதிப்பை ஏற்படுத்தும். எனவே இக்காலத்தில் நல்ல விடயங்களை மனனமிடச்செய்வதொடு நல்ல நிகழ்வுகளையே அவர்களை பார்க்கச்செய்ய வேண்டும்.

பொதுவாக மூத்தோர்கள் எதையாவது சொன்னால் பிள்ளைகள் எதிர்மறையான பதில்களையே சொல்வார்கள். ஆனால் அவர்களை பாராட்டும்போது அல்லது ஏதாவது ஒரு பரிசினை அவர்களுக்கு வழங்கும்போது நமது சொல்படி இயங்குவதை அவதானிக்கலாம். எனவே பிள்ளைகள் என்பவர்கள் எப்போதும் ஊக்குவிப்பை விரும்புவார்கள். எனவே மூத்தோர்கள் சிறுபிள்ளைகளின் செயல்களை மதிப்பதோடு அவர்களை ஊக்குவிக்க வேண்டும். அவ்வாறு செய்யாத போது அவர்கள் உளரீதியாக பாதிக்கப்படுவதுடன் பெரியவர்கள் மீது வெறுப்பும் கொள்கின்றனர்.

சிறு பிள்ளைகள் எப்போதும் விளையாட்டிலும் மற்றும் அவர்களை சந்தோஸத்திற்குள்ளாக்கும் ஏனைய கேளிக்கைகளிலும் ஆர்வம் காட்டுவர். இதன்போது அவர்களிடத்தில் விளையாட்டின் மூலம் நற்பண்புகளை வளர்க்க வேண்டும். மேலும் அவர்களை தொடர்ந்து அவ்வாறு செய்ய விடாது நேரங்களை வரையறுக்க வேண்டும். அத்தோடு எல்லா விளையாட்டுக்களிலும் ஈடுபடாது விளையாட்டுக்களையும் வரையறுக்க வேண்டும். பிழையான விளையாட்டுக்களில் ஈடுபடும்போது அவர்கள் பல கெட்ட விடயங்களை கற்றுக் கொள்வர்.

சிறுவர்களிடத்தில் அதிகமான போட்டித்தன்மை காணப்படும். சிறு பொம்மையைக்கூட ஏனையவர்களுக்கு விட்டுக் கொடுக்க விரும்ப மாட்டார்கள். இதனை உரிய முறையில் வழிநடத்தும்போது குழந்தைகளின் ஆற்றல் வளர்வதோடு புத்தாக்கத்திறனும் அதிகரிப்பதாக உளவியளாளர்கள் கூறுகின்றனர். மேலும் இது பொறாமைத்தனமாக மாறிவிடாது பெற்றோர்கள் அவர்களை வழிநடத்த வேண்டும். மேலும் தோல்விகள் ஏற்படும்போது அதனை இலகுவாக சகித்துக் கொள்ளும் மனப்பாங்கை ஆரம்பத்திலேயே ஏற்படுத்த வேண்டும்.

சிறுபிள்ளைகள் எல்லா விடயங்களிலும் அதிகமாக கற்பனையில் ஈடுபடுவர். இதனை பெரியோர்கள் அறிய வேண்டும். அவர்கள் எதனை நினைக்கிறார்கள் என்று அறிந்து அவர்கள் கற்பனைகளை நெறிப்படுத்த வேண்டும் இதன்மூலம் அவர்களை யதார்த்த உலகிற்கு ஏற்ப வாழ்வதனை சிறுவயதிலேயே எற்படுத்த முடியும். அவ்வாறு செய்யாவிட்டால் அவர்கள் அதிகமான கற்பனைகளில் ஈடுபட்டு உளரீதியாக பாதிப்படைவர்.

குழந்தைகள் தம்மிடம் இருக்கும் சில பொருட்களை அதிகமாக உடைப்பார்கள். மேலும் சில பொருட்களை பகுதி பகுதியாக பிரிப்பார்கள். இது அவர்களது புதுமை நாட்டத்தை வெளிப்படுத்தும். அப்பொருள் எவ்வாறு செயற்படுகின்றது, எவ்வாறு அமைக்கப்பட்டுள்ளது போன்றவற்றை அறியவே குழந்தைகள் அவ்வாறு செய்கின்றனர். இதை அறியாத சிலர் குழந்தைகளை தண்டிப்பர். இதனால் அவர்களின் புதுமை நாட்டம் இல்லாமல் போகின்றது. எனவே குழந்தைகளை சரியாக கையாள வேண்டும். அவர்களின் ஆர்வத்தை நெறிப்படுத்த உதவியாக இருக்க வேண்டும்.

குழந்தைகள் இலகுவாக உணர்ச்சி வசப்படக்கூடியவர்கள். மூத்தோர் சிலர் சில விடயங்களை சாதிப்பதற்காக பிள்ளைகளை பயமுறுத்துவர். மேலும் அவர்களை பயமுறுத்தும் கதைகளையும் சொல்வார்கள். இதனால் அவர்கள் உளவியல் ரீதியான பாதிப்புக்களுக்கு உள்ளாகின்றனர். உள ரீதியாக அவர்கள் பயந்த நிலையில் காணப்படுவர். மேலும் அவர்களுக்கு கோப உணர்வும் அதிகம் ஏற்படும். இதனையும் முறைப்படி வழிநடத்த வேண்டும்.

இவ்வாறான பல சிறப்பான குணங்களை கொண்டவர்களே சிறுபிள்ளைகள். எனவே அவற்றை சரியாக அறிந்து உரிய முறையில் பிள்ளைகளை நெறிப்படுத்துவதன் மூலம் சிறந்த ஆளுமையுள்ள பிரஜைகளை உருவாக்க முடியும்.

முன்ஸிப் பரீட் - கெலிஓயா

2010-11-05T11:37:00.000+05:30

மது போதைக்கான எதிர்ப்பு ஒவ்வொரு வீடுகளிலிருந்தும் உருவாக வேண்டும்.

முன்ஸிப் பரீட் தெரிவிப்பு

மலையகத்தில் சாராயம், பியர் சிகரட் மற்றும் ஏணைய போதைப் பொருட்களின் பாவனையாளர்களின் வீதத்தைக் கட்டுப்படுத்த வேண்டுமனால் முதலில் போதைப்பொருட்களுக்கான எதிர்ப்பு ஒவ்வொரு வீடுகளிலிருந்தும் ஒருவாக வேண்டும்.

ஹட்டன். நோர்வூட், டிக்கோயாப் பகுதிகளைச் சேர்ந்த சமூகமன்றத்தலைவர்களுக்கான விழிப்புணர்வூட்டும் செயலமர்வொன்றை போரூட் சிறிலங்கா நிறுவனம் அண்மையில் ஹட்டனில் நடத்தியது. இதற்கு வளவாளராகக் கலந்துகொண்ட போரூட் சிறிலங்கா நிறுவனத்தின் நுவரெலியா மாவட்ட இணைப்பதிகாரி முன்ஸிப் பரீட் தொடர்ந்து கருத்துத் தெரிவிக்கையில்.

குறிப்பாக நுவரெலியா மாவட்டத்தில் மாத்திரம் அண்ணளவாக 225 க்கும் மேற்பட்ட அநுமதிப்பத்திரம் வழங்கப்பட்ட மது விற்பனை நிலையங்கள் காணப்படுகின்றன. மேலும் அநுமதிப்பத்திரம் வழங்கப்படாத சிறு அளவில் விற்பனை செய்யப்படும் 1000க்கும் மேற்பட்ட மது விற்பனை நிலையங்கள் காணப்படுகின்றன. ஹட்டன் பிரதேச தோட்டப்பகுதிகளைச் சேர்ந்த குறிப்பிட்ட ஒரு கிராம அதிகாரிப் பிரிவிலிருந்து மாத்திரம் ஒரு நாளைக்கு 40,000 ஆயிரத்திற்கும் மேற்பட்ட பணம் சாராய பியர் மற்றும் சிகரட் கம்பனிகளால் சுரண்டப்படுகின்றன. பொதுவாக தோட்டமக்கள் தனது வருமானத்தில் 1/3 பங்கினை அல்லது 2/3 பங்கினை சாராயக்கம்பனிகளுக்கும், கசிப்புக்கடை முதலாளிகளக்கும் கொடுத்து விட்டு தமக்கு வறுமானம் போதாதென புலம்புவதை அவதானிக்க முடிகிறது. அவர்கள் கஸ்ட்டப்பட்டு வியர்வை சிந்தி உழைக்கும் பணம் அவர்களுக்குத் தெரியாமலேயே சாராயக் கம்பனிகளாலும், கசிப்புக் கடை முதலாளிமார்களாலும் சுரண்டப் படுவதைப் பற்றி மக்கள் இனிமேலாவது சிந்திக்க வேண்டும்.

தோட்டங்களில் கணவனும் மனைவியும் வேலைக்குச்செல்பவர்களாக இருந்தால் கிடைக்கும் வருமானத்தில் மனைவியின் பணத்தை வீட்டுத் தேவைக்காக செலவளித்து விட்டு கணவனின் பணம் முழுவதையும் கசிப்பு மற்றும் சாராயம் அருந்துவதற்காகச் செலவளிக்கின்றனர். மேலும்; சிலர் சாராயம் கசிப்பு மற்றும் கள்ளு அருந்துவதற்காக மேலதிக வேலைக்குச் செல்வதனையும் காணமுடிகினறது. இருதியில் நடப்பது என்னவென்றால் பணக்காரராகுவதற்காக உழைத்தாலும் மதுபானம் அருந்தி ஏழையாகன்றார்கள். இதன்காரணமாக மலையக மக்கல் பொருளாதார, சமூக ரீதியாக பின்னடைவுக்குள்ளாகி வருகின்றனா.

அவர் தொடர்ந்து உரையாற்றுகையில் சாராயம், பியர், கள்ளு, கசிப்பு, சிகரட் மற்றும் ஏனைய போதைப் பொருட்களின் பாவனையின் பின்னர் தன்னை அறியாத ஒரு வகையான சக்தி உடலில் உருவாக்கப் படுவதாக சாராயம், பியர், கள்ளு மற்றும் கசிப்பு பாவனையாளர்கள், பாவனையில் ஈடுபடாதவர்கள் என்ற பேதமின்றி சமூகத்தில் உள்ள பெரும்பாளானோர் மத்தியில் ஒருவகையான நம்பிக்கை உருவாக்கப்பட்டுள்ளது. இவ்வாறான நம்பிக்கையின் காரணமாக நாற்றமான, அருவருப்பான, அசௌகரியமான சாராயம். பியர் கள்ளு, சிகரட் மற்றும் ஏனைய போதைப் பொருட்கள் என்பவை ஆண், பெண், சிறுவர் என்ற அனைத்து தரப்பினர் மத்தியிலும் மாயமான ஒரு பொருளாகவும் பலமிக்க பொருளாகவும் மாற்றப்பட்டுள்ளது. இந்நம்பிக்கையினை ஒருவர் மற்றவர்களுக்குக் கற்பிக்கும் போது சாராயம், பியர், கள்ளு, கசிப்பு சிகரட் மற்றும் ஏனைய போதைப் பொருட்கள் என்பவற்றிக்கு உளவியல் ரீதியான பெறுமதி சேர்க்கப் பட்டிருப்பதால் பாவனையாளர்கள், பாவனையில் ஈடுபடாதவர்கள் மத்தியில் நாகரிகமான பொருளாக மாற்றப் பட்டுள்ளது. இந்நிலைமை மதுபானம், சிகரட் மற்றும் ஏனைய போதைப் பொருட்கள் பாவனைக்குள் புதியவர்கள் சிக்குவதற்கு வாய்ப்பாக அமைந்து விடுகின்றது.

சாராயம், பியர், கள்ளு, கசிப்பு பாவனையாளர்களிடம் இவற்றை அருந்துவதற்கான காரணங்களைக் கேட்டால் மகிழ்ச்சிக்காக, கவலைக்காக, தூக்கம் விழிக்க, பழையவற்றை ஞாபகப் படுத்த, காதல் தோல்வியை மறக்க உடல் வலியைக் குறைக்க எனப் பல்வேறுபட்ட பதில்களைக் கூறுவதனை அவதானிக்க முடிகிறது. இவ்வாறான அசாதாரணமான மாற்றங்களை ஏற்படுத்த மதுசாரம் என்ற ஒரே இரசாயனத்தினால் பல்வேறுபட்ட மாற்றங்களை ஏற்படுத்த முடியுமா என்ற கேள்வி எழுகிறது. இதனை விஞ்ஞான ரீதியாக ஆராயும் போது, பெற்றோலியம் எனும் எரிபொருளினால் ஒரு பொருளையோ பதார்த்தத்தையோ எரிக்க முடியுமே தவிர அணைக்க முடியாது. அவ்வாறெனில் மதுசாhம் என்ற ஒரே இரசாயனத்தினால் மகிழ்ச்சியை ஏற்படுத்தவும், கவலையைக் குறைக்கவும,; பிரச்சினைகளைக் குறைக்கவும், தூக்கம் விழிக்கச் செய்யவும், தூக்கத்தை ஏற்படுத்தவும், பழையவற்றை ஞாபகப் படுத்தவும், காதல் தோல்வியை மறக்கடிக்கச் செய்யவும், உடல் வலியைக் குறைக்கவும், உடல் களைப்பைப் போக்கவும் எனப் ஒன்றுக் கொன்று முறனான செயற்பாடுகளை ஏற்படுத்த முடியுமா? இவ்வாறான கேள்வி மக்கள் மத்தியில் மிக நீண்டகாலமாக எழுகின்றது.

குறிப்பாக கூறுவதானால், சாராயம், பியர், கள்ளு மற்றும் கசிப்பு போன்றவற்றில எவ்விதமான இரசாயன ரீதியான சக்தியும் இல்லை. அவை அணைத்தும் பரம்பரை பரம்பரையாக கற்றுத்தரப்பட்ட, கற்றுக்கொள்ளப்பட்ட மூடநம்பிக்கைகள் என்பது புலனாகின்றது.

பொதுவாக சாராயம், பியர், கள்ளு மற்றும் கசிப்பு போன்ற பாவனையாளர்களிடம் காணப்படம் மூடநம்பிக்கைகளுடன் சமூகம் அருந்துபவர்களுக்குக் கொடுக்கப்படும் அங் கீகாரமானது அவர்களுக்குக் கிடைக்கும் வாய்ப்பாகவும் வரப்பிரசாதமாகவும் அமைகின்றது. அத்தோடு மதுபானம் பிரபல்யப்படுத்தப்படுவதற்கான முக்கியமான காரணம் அதில் அடங்கியுள்ள இரசாயனத் தாக்கத்தினைப் பார்க்கிலும் சமூகத்தால் வழங்கப்படும் அங்கிகாரமானது பாவனையாளர்களிலும், பாவனையில் ஈடுபடாதவர்களின் மத்தியிலும் சாராயம், பியர், கள்ளு மற்றும் கசிப்பு தொடர்பாகக் குறிப்பிடத்தக்க தாக்கத்தினை ஏற்படுத்துகிறது.

பொதுவாக சமூகத்தால் தவறு அல்லது குற்றம் எனக் கருதப்படும் நடவடிக்கைகள், செயற்பாடுகள் மதுசாரப் பாவனையின் பின்னர் நடைபெற்றால் அவை தவறுகளாகவோ குற்றங்களாகவோ கண்டுகொள்ளப் படுவதில்லை. இத்தகைய நடத்தைகள் அவர்களினால் மீண்டும் மீண்டும் இடம்பெற்றாலும் அவற்றைப் பொறுத்துக் கொண்டு அங்கீகரிக்கும் நிலை காணப்படுகிறது. இத்தகைய நிலைமைகள் காரணமாக மதுபானம் அருந்துவதானது அசௌகரியமான அநுபவமாக இருந்தாலும் மகிழ்சிக்குரிய, தேவைக்குரிய சந்தர்ப்பமாக மாற்றப்பட்டிருப்பது பாவனையின் பின்னர் சமூகத்தினால் அவர்களுக்கு வழங்கப்படும் விடுதலையினாலாகும். பெரும்பாலும் பெண்கள், பிள்ளைகள், பலவீனமான நபர்கள் போன்றவர்கள் மதுபானம் அருந்தியவர்களால் வல்லுறவுக்கு ஆளாவார்கள். மிகவும் பாரதூரமான வல்லுறவையேனும், இது மதுசாரம் காரணமாக இடம்பெற்றது எனக்கூறுவதோடு ஞாபகக் குறைவினால், சுயநினைவில்லாமல் செய்ததாக மக்கள் பல்வேறு சந்தர்ப்பங்களில் அனுமதி வழங்கி மன்னிப்பு வழங்குவதையும் காண முடிகிறது.

சாராய, பியர் மற்றும் ஏணைய போதைப் பொருட்களின் பாவனையின் பின்னர் பாவனையாளர்கள் செய்யும் அணைத்து செயற்பாடுகளும் சுயநினைவுடனேயே செய்கின்றனர். அத்தோடு குறிப்பாக இத்தகைய பாவனையாளர்களுக்கு பாவனையின் பின்னர் வழங்கப்படும் வாசி, வரப்பிரசாதங்கள் குறைக்கப்பட வேண்டும். குறிப்பாக இப் பாவணையாளர்கள் மீது வழங்கப்படும்; சமூக அங்கிகாரம் குறையும் வரை பாவனையாளர்களின் எண்ணிக்கையில் மாற்றம் ஏற்படப் போவதில்லை.

பொதுவாக தோட்டப்பகுதிகளில் மற்றும் கிராமப் புறங்களில் சாராயம், பியர், கள்ளு மற்றும் கசிப்பு போன்றவை தொடர்பாக சமூக ரீதியான நிவாரண வேலைத்திட்டங்களைத் திட்டமிடும் போது அல்லது வேலைத்திட்டங்களை நடைமுறைப்படுத்தும் போது சமூகத்தில் காணப்படும் சாராயம், பியர், கள்ளு மற்றும் கசிப்பு போற்றவற்றிக்கு அடிமையானவர்கள், அல்லது தொடர்ந்து பாவனையில் ஈடுபடுபவர்களைக் கருத்திற்கொண்டே வேலைத்திட்டங்கள் வகுக்கப் படுகின்றன. இவ்வாறு அடிமையானவர்களையும் தொடர்ந்து பாவனையில் ஈடுபடுபவர்களையும் வைத்து அவர்களுக்கு மதுவினால் ஏற்படக்கூடிய சமூக, சுகாதார மற்றும் பொருளாதார ரீதியான விளைவுகளை விளக்கமளிப்பதன் மூலம் பெறப்படும் பிரதிபலனைவிட இளைஞர்களையும் எதிர்காலத்தில் சாராயம், பியர், கள்ளு, கசிப்பு மற்றும் சிகரட் போன்றவற்றின் பாவனைக்கு சிக்கவிருப்பவர்களை அதிலிருந்து பாதுகாப்பதன் மூலம் கூடுதலான பிரதிபலன்களைப் பெற்றுக் கொள்ள முடியும். குறிப்பாக இளைஞர் மற்றும் சிறுவர்கள் மத்தியில் சாராயம், பியர், கள்ளு, கசிப்பு மற்றும் சிகரட் போன்றவை கவர்ச்சியானதொன்றாகவும் மாயமானதொரு பொருளாகவும் காட்டப்பட்டுள்ளது. குறிப்பாக ஏதிர்காலத்தில் தோட்டப் பகுதிகளில் சாராயம், பியர், கசிப்பு, சிகரட் பாவனையை விஞ்ஞான மற்றும் நடைமுறை ரீதியாகக் குறைக்க வேண்டுமானால் இவர்களிடமே கூடிய கவனம் செலுத்தப்பட வேண்டும்.

மஸ்கெலியா நிருபர்(உதய சூரியன் 2010.10)

2010-11-03T10:28:00.000+05:30

நபி(ஸல்) அவர்கள் மீது அன்பு வைத்தல்.

உலகில் தோன்றிய மனிதர்களுள் ஒரு உன்னதமான, உயர்ந்த மனிதராக நபி (ஸல்) அவர்கள் விளங்குகின்றார்கள். அவர்களை அல்லாஹ்வின் தூதர் என அங்கிகரிக்காதவர்கள் கூட அவர்களை ஒரு விசேடமான உயர்ந்த மனிதர் என ஏற்றுக் கொள்கின்றனர். நபி(ஸல்) அவர்களிடத்தில் வைக்கின்ற அன்பானது ஒருவர் தனது தாய், தந்தை. கனவன், மனைவி, பிள்ளைகள், சகோதர சகோதரிகள் மற்றும் நண்பர்களிடத்தில் வைக்கும் அன்பைக் காட்டிலும் வித்தியாசமானது.

அதாவது நபி (ஸல்) அவர்களிடத்தில் வைக்கும் அன்பானது ஏனையவர்களிடத்தில் வைக்கும் அன்பைவிடவும் உயர்ந்த தரத்தில் இருக்க வேண்டியது அவசியமாகும். இல்லாவிடின் அல்லாஹ்வின் தண்டனையைப் பெற்றுத் தருவதாகவும், பெரும் பாவமாகவும், ஈமானில் குறைபாடாகவும் அமைந்து விடுகிறது. இதனை அல்குர்ஆன் பின்வருமாறு விளக்குகிறது.

'நபியே சொல்லுங்கள் உங்களது பெற்றோர்களும் பிள்ளைகளும், சகோதரர்களும், மனைவிமார்களும், குடும்பத்தாரும், நீங்கள் சம்பாதித்த செல்வங்களும், நஸ்டமடைந்த விடுமோ எனப்பயப்படும் வியாபாரமும், நீங்கள் திருப்தியற்றிருக்கும் வசிப்பிடங்களும் அல்லாஹ்வையும் அவனது தூதரையும், அவனது பாதையில் போராடுவதை விடவும் மிகவும் விருப்பத்திற்குரியதாக இருந்தால் அல்லாஹ் தனது தண்டனையைத் தரும் வரை எதிர்பார்த்திருங்கள் இத்தகைய பாவிகளுக்கு அல்லாஹ் நேர்வழி காட்டுவதில்லை.’(அத்தௌபா:24)

எனவே அனைத்து உறவுகள், உலகப் பொருட்கள் மீது வைத்திருக்கும் அன்பையும் பற்றையும் விட அல்லாஹ்வின் தூதர் மீது அன்பும், பற்றும் அதிகமாக இருப்பதனை இவ்வசனம் கடமையாக்குகிறது.

குறிப்பாக நபி(ஸல்) அவர்களிடத்தில் வைக்கும் அன்பு ஈமானுடன் நேரடி தொடர்புடையது. ஏனெனில் நபி (ஸல்) அவர்கள் அல்லாஹ்வின் தூதர் என்பது ஈமானின் சாட்சியத்தில் ஒரு பகுதியாகும். குறிப்பாக ஈமானின் இந்தப் பகுதி பூரணப்பட வேண்டுமாயின் அவர்கள் மீது ஆழ்ந்த அன்பு செலுத்துதல் இன்றியமையாததாகும்.

இதனை நபி(ஸல்) அவர்கள் பின்வரமாறு குறிப்பிடுகிறார்கள். ‘உங்களது பெற்றோர். பிள்ளைகள் ஏனைய மக்கள் அனைவரையும் விட நான் உங்களிடத்தில் அன்புக்குரியவனாக மாறாத வரையில் நீங்கள் ஈமான் கொள்ள மாட்டீர்கள்’.

குறிப்பாக நபி(ஸல்) அவர்கள் ஒருபோதும் யாரையும் தூற்றவும், ஏசியதுமில்லை, ஒரு போதும் வாக்குறுதியை மீறவில்லை, பொய் பேசியதில்லை, யாரையும் பழி வாங்கவில்லை, யாரையும் துன்புறுத்தவில்லை. உண்மையாளர், நம்பிக்கையாளர் என்ற பட்டங்களை சிறுவயது முதலே பெற்றுக் கொண்டார். இதனை அல்குர்ஆன் பின்வருமாறு கூறுகிறது. ‘நீங்கள் உயர்ந்த பண்பாட்டைக் கொண்டவராகக் காணப்படுகிறீர்கள்’(அல் கலம்:4)

பொதுவாகக் கூறுவதானால் உயர்ந்த, மேன்மையான பண்புகளை நேசிக்கும் எவரும் நபி(ஸல்) அவர்களை நேசிக்க வேண்டும்.

மேலும் நபி(ஸல்) மீதான அன்பானது முஸ்லிம் சமூகத்திற்காகவே அல்லாஹ்விடம் மன்றாடி பாவமன்னிப்பு கேட்கும் அல்லாஹ்வின் தூதர் மீது வைக்கின்ற அன்பாகும். அவர்களது கவலை நிலை பற்றி அல்குர்ஆன் ‘அவர்கள் எதனை ஏற்றுக் கொள்ளவில்லையே புறக்கணித்துச் செல்கிறார்களே என்ற கவலையில் நீங்கள் உங்களையே அழித்துக் கொள்வீர்கள் போல் இருக்கிறது’. (கஹ்ப் : 06).

குறிப்பாக நபி(ஸல்) அவர்கள் மீது அன்பு வைத்தலெனும் போது அது உள்ளங்களில் மட்டும் பிரதிபலிக்கப்படாமல் செயல் வடிவம் பெறவேண்டும்.

• நபி(ஸல்) அவர்களின் வாழ்க்கை வராற்றை படிக்கும் போது அவர்களது சாதனைகள், தியகங்கள், பண்பாடுகள், வணக்கங்கள் போன்ற ஒவ்வொரு சிறிய பெரிய அம்சங்களும் அவர்களைப் பற்றி உள்ளத்தில் மரியாதையையும் அன்பையும் ஏற்படுத்தும்.

• நமது வாழ்க்கையில் அணைத்த சந்தர்ப்பங்களிலும் நபி(ஸல்) அவர்களது வாழ்க்கை வழிமுறைகளையும் வழிகாட்டல்களைப் பின்றல்.

• நபி(ஸல்)அவர்கள் மீது அதிகம் ஸலவாத்துச் சொல்லல். அவ்வாறு கூறும் அவர்களுடனான உறவைப் பலப்படத்த உதவுவதுடன் அதிக நன்மைகளையம் பெற்றுத்தரும்.

• நபி(ஸல்) அவர்கள் வாழ்ந்த இடங்கள், போராட்டத் களங்கள் அடக்கஸ்தலம் என்பவற்றைத் தரிசித்தல். அது அவர்களைப் பற்றிய அனைத்துத் தகவல்களையும் நிதர்சனமாக காணக் கூடியதாகவும் அன்பை அதிகரிக்கச் செய்யும் சந்தர்ப்பமாகவும் அமையும்.

• நபிகளாரின் சுன்னாவை முடிந்தவரை பின்பற்றுதல்.

நபி(ஸல்) அவர்களிடத்தில் ஸஹாபாக்ள், தாபிஈன்கள், ஸலபுகள் ஆழ்ந்த அன்பு வைத்தார்கள். இதன் அடிப்படையில் அபூபக்கர் (ரழி) அவர்கள் நபி(ஸல்) அவர்களுடன் ஹிஜ்ரத் செல்லும் போது அவர்களை நான்கு புறமும் சுற்றிச் சுற்றி சென்றார்கள். அதற்கான காரணம் வினவப்பட்ட பொது எங்கிருந்தாவது அம்பு வந்து நபிகளாரைத் தாக்கிவிடும் என்ற அச்சத்தினாலே அவ்வாறு செய்ததாக குறிப்பிட்டார்கள். மேலும் ஹிஸ்ரத்தின் போது ‘தவ்ர்’ குகையில் தங்கியிருந்த போது தனது மடியில் உறங்கியிருக்கும் நபிகளாரின் தூக்கம் கலைந்து விடக் கூடாது என்பதனால் தன்னை ஒரு விஸப் பாம்பு தீண்டியதையும் சகித்துக் கொண்டார்கள். நபி (ஸல்) அவர்கள் மீது வைக்கின்ற அன்பு, மிகச் சிறந்த உயர் பண்பு மிக்க இறைத்தூதர் மீது வைக்கின்ற அன்பாகும்.

முன்ஸிப் பரீட் - கெலிஓயா(வீரகேசரி.2010.31.10)